उद्या गोरक्षनाथ प्रकटदिन

 

शिराळा,ता.१२ : शिराळा येथील गोरक्षनाथ  मंदिरात   गुरुवारी (ता.१४ ) रोजी गोरक्षनाथ प्रकट दिना निमित्ताने  विविध कार्यक्रमाचे आयोजन करण्यात आले आहे.

 शिराळा येथील गोरक्षनाथ ठिकाण हे प्रतीपंढरपूर म्हणून ओळखले जाते .या ठिकाणी सांगली, सातारा, कोल्हापूर, रत्नागिरी, अशा विविध जिल्ह्यातून हजारो भक्तांची गर्दी कार्तिकी व आषाढी एकादशी आणि गोरक्षनाथांच्या यात्रेसाठी येत असतात. गोरक्षनाथ प्रकट दिनी निमित्ताने  दर्शनासाठी  भविकांची गर्दी होत असते. सकाळी  पहाटे ३ वाजता महाअभिषेक,सकाळी साडे सहा ते साडे आठ वाजता विशेष अभिषेक ,सकाळी ९ ते ११ दरम्यान विठ्ठलराव तात्या वास्कर यांचे कीर्तन होणार आहे.सकाळी ११ वाजता गोरखनाथ जन्मकाळ व फुले बरसा होणार आहे. ११ ते दुपारी ३ पर्यंत महाप्रसादाचे आयोजन करण्यात आले आहे. तरी गोरक्षनाथ भक्तांनी याचा लाभ घ्यावा असे आवाहन व्यवस्थापक व आयोजक , मठाधिपती पीर योगी श्री .पारसनाथजी महाराज,आनंदनाथजी महाराज  यांनी केले  आहे.