गोरक्षनाथ प्रकट दिन संपन्न

 

शिराळा,ता.१४  :शिराळा येथील गोरक्षनाथ  मंदिरात   आज गुरुवारी (ता.१४ ) रोजी गोरक्षनाथ प्रकट दिना   विविध कार्यक्रमांनी हजारो भाविकांच्या उपस्थितीत साजरा करण्यात आला.

 शिराळा येथील गोरक्षनाथ ठिकाण हे प्रतीपंढरपूर म्हणून ओळखले जाते .या ठिकाणी सांगली, सातारा, कोल्हापूर, रत्नागिरी, अशा विविध जिल्ह्यातून हजारो भक्तांची गर्दी कार्तिकी व आषाढी एकादशी आणि गोरक्षनाथांच्या यात्रेसाठी येत असतात. गोरक्षनाथ प्रकट दिनी निमित्ताने  दर्शनासाठी  भविकांची गर्दी केली होती. सकाळी  पहाटे ३ वाजता महाअभिषेक,सकाळी साडे सहा ते साडे आठ वाजता विशेष अभिषेक करण्यात आला. सकाळी ९ ते ११ दरम्यान विठ्ठलराव तात्या वास्कर यांच्या  कीर्तनाचा कार्यक्रम झाला. सकाळी ११ वाजता गोरखनाथ जन्मकाळ व फुले बरसा कार्यक्रम झाला. ११ ते दुपारी ३ पर्यंत महाप्रसादाचे आयोजन करण्यात आले होते.संपूर्ण कार्यक्रमाचे नियोजन  मठाधिपती पीर योगी  पारसनाथजी महाराज,आनंदनाथजी महाराज  यांच्या मार्गदर्शनाखाली  करण्यात आले.यावेळी माजी खासदार संजयकाका पाटील,सांगली जिल्हा मध्यवर्ती बँकेचे संचालक सत्यजित देशमुख,सौ,रेणुकादेवी देशमुख,साईतेजस्वी देशमुख,यशवंत ग्लुकोजचे अध्यक्ष रणधीर नाईक,शिवसेना एकनाथ शिंदे गटाचे  पृथ्वीसिंग नाईक, आपला बझार उद्योग समूहाच्या अध्यक्षा सुनितादेवी नाईक,माजी जिल्हा परिषद सदस्य महदेव कदम, वारणा कारखान्याचे संचालक विजय पाटील,स्वप्नील निकम,संतोष हिरूगडे उपस्थित होते.