शिराळा,ता.५ :रिळे (ता शिराळा ) येथे जनावरांच्या पिण्याच्या पाण्याच्या खड्यात पडून शिवाजी बंडू पाटील (वय ६५) या वृद्धाचा मृत्यू झाला. ही घटना ५नोव्हेबरला सायंकाळी सहा पुर्वी घडली. याबाबत डॉ.योगिता माने यांनी शिराळा पोलिसांना माहिती दिली.
याबाबत शिराळा पोलिसांनी दिलेली माहिती अशी, रिळे येथील शिवाजी पाटील यांनी साखरेची गोळी न घेतल्याने त्यांना चक्कर येवून फीट आली.त्यामुळे ते जनावरांना पिण्यासाठी काढण्यात आलेल्या पाण्याच्या खड्यात पडले. त्यांना शिराळा येथील उपजिल्हा रुग्णालयात आणले असता त्यांचा उपचारा पूर्वीच मृत्यू झाला असल्याचे वैद्यकीय अधिकारी यांनी सांगितले. या घटनेची शिराळा पोलिसात नोंद झाली असून अधिक तपास पोलीस हवलदार मगदूम करत आहेत.
0 Comments