शिराळा : स्वाभिमानी शेतकरी संघटना शिराळा विधानसभा निवडणुकीत महाविकास आघाडीचे राष्ट्रवादी काँग्रेस शरदचंद्र पवार पक्षाचे उमेदवार आमदार मानसिंगराव नाईक यांना पाठिंबा जाहीर करत आहे, अशी माहिती स्वाभिमानी शेतकरी संघटनेचे देवेंद्र धस यांनी दिली.
ते म्हणाले,मंगळवारी( ता.२९)आमदार मानसिंगभाऊंनी महाविकास आघाडीतर्फे राष्ट्रवादी काँग्रेस शरदचंद्र पवार पक्षाचे अधिकृत उमेदवार म्हणून अर्ज दाखल केला. यावेळी झालेल्या सभेत माझ्यासह स्वाभिमानी शेतकरी संघटनेचे पदाधिकारी, विद्यार्थी परिषद शिराळा तालुकाध्यक्ष सुनील रोकडे, वाळवा तालुका युवक आघाडी अध्यक्ष रविकिरण माने, उपाध्यक्ष भास्कर मोरे यांनी व्यासपीठावर जाऊन आमदार श्री. नाईक यांना पुष्पगुच्छ देवून पाठिंबा जाहीर केला आहे.
यावेळी धस म्हणाले, मानसिंगभाऊंनी विश्वासराव नाईक कारखाना अतिशय योग्य पद्धतीने चालविला आहे. शेतकऱ्यांच्या व शेतीच्या प्रगतीसाठी शाश्वत प्रयत्न केले आहेत. उसाला वेळोवेळी योग्य दर देण्याची भूमिका बजावली आहे. कारखान्याच्या अनेक संस्थांच्या माध्यमातून शेतीसाठी पाणी दिले आहे. वाकुर्डे योजना, गिरजवडे प्रकल्पाच्या माध्यमातून तालुका सुजलाम्‌ सुफलाम्‌ करण्याचे ठोस प्रयत्न केले आहेत. अनेक पाझर तलावांचे साठवण तलावात रूपांतर केल्याने शेती फायदा झाला आहे. मानसिंगभाऊ हे सर्वसामान्यांची प्रगती साधणारे, त्यांचे जीवनमान उंचावणारे नेतृत्व आहे.
ते म्हणाले, आमची भूमिका व संघटना शेतकऱ्यांशी निगडीत आहे. त्यांच्यासाठी चांगले काम करणाऱ्यांकडे आम्ही सकारात्मक दृष्टीने बघतो. दुग्ध विकास, महिला विकास, पर्यटन विकास, तीर्थक्षेत्र विकास, खेडोपाड्यांना जोडणारे बारमाही रस्ते, वारणा नदीवर कोल्हापूर जिल्ह्याला जोडणारे पूल, शिक्षण, आरोग्य व विजेच्या सुविधांचे बळकटीकरण, गावा गावत झालेली विकासकामे यामुळे आम्ही आमदार मानसिंगराव नाईक यांना पाठिंबा देण्याची भूमिका घेतली आहे.
मुक्त मराठी लघुचित्रपट
-
व्रण मराठी लघुचित्रपट
टमरेल मराठी लघु चित्रपट
-
खराटा मराठी लघु चित्रपट
कहर मराठी लघुचित्रपट
0 Comments