शिराळा विधानसभा मतदार संघ Shirala Assembly Constituency

शिराळा विधानसभा मतदार संघ  

सांगली जिल्हा विधानसभा निवडणूक २०२४
सांगली	मिरज	तासगाव-कवठेमहांकाळ	खानापूर
शिराळा	इस्लामपूर	जत	पलूस-कडेगाव

 

शिराळा,ता.२३:शिराळा विधानसभा मतदारसंघात झालेल्या चुरशीच्या लढतीत महायुतीचे भाजपचे उमेदवार  सत्यजित देशमुख यांनी राष्ट्रवादी काँग्रेस शरदचंद्र पवार पक्षाचे विद्यमान आमदार मानसिंगराव नाईक यांचा २२ हजार ६८९  मतांनी पराभव केला. नोटाला मतदान -६६४ 

शिराळा विधानसभा उमेदवार
अ.क्र	उमेदवाराचे नाव	पक्ष	चिन्ह	मतदान
1	गौस बाबासो मुजावर	बहुजन समाज पार्टी	हत्ती	596
2	सत्यजित शिवाजीराव देशमुख	भारतीय जनता पार्टी	कमळ	130738 (विजयी)
3	मानसिंगभाऊ फत्तेसिंगराव नाईक	राष्ट्रवादी काँग्रेस शरदचंद्र पवार	तुतारी वाजवणारा माणूस	108049
4	अनिल रंगराव अलूगडे	अपक्ष	ट्रमपेट	2265
5	जितूभाऊ शिवाजीराव देशमुख	अपक्ष	हिरा	1066
6	मानसिंग ईश्वरा नाईक	अपक्ष	सायकल पंप	472
अर्ज माघार घेतलेले उमेदवार
1	विराज नाईक	अपक्ष
2	सम्राट शिंदे	अपक्ष
3	रवी पाटील	अपक्ष
4	आनंदराव सरनाईक	संभाजी ब्रिगेड
5	निवास पाटील	अपक्ष
6	तानाजी पाटील	अपक्ष
7	प्रवीण पाटील	अपक्ष
8	सम्राट महाडिक	अपक्ष
9	तेजस्वी महाडिक	अपक्ष

 

शिराळा:४ नोव्हेंबर २०२४ विधानसभा मतदारसंघातून भाजपच्या  सम्राट महाडिक यांनी अपक्ष म्हणून भरलेला आपला उमेदवारी आज मागे घेतल्याने या मतदार संघात  महाविकास आघाडीचे उमेदवार आमदार मानसिंगराव नाईक व महायुतीचे उमेदवार सत्यजित देशमुख यांच्या दुरंगी लढत होणार आहे. 

सांगली जिल्ह्यात ८ विधानसभा मतदार संघात ८५ जणांनी माघार घेतली असल्याने निवडणूक रिंगणात ९९ उमेदवार आहेत.शिराळ्यात केवळ सहा तर तासगाव -कवठेमहांकाळ येथे सर्वाधिक १७ उमेदवार आहेत. 

मतदारसंघ व उमेदवार 

मिरज -१४ ,सांगली -१४ ,इस्लामपूर -१२ ,शिराळा -६,पलूस-कडेगाव -११ ,खानापूर -१४ ,तासगाव -कवठेमहांकाळ १७ ,जत -११ 

शिराळा:३०ऑक्टोबर : शिराळा विधानसभा निवडणुकीसाठी आज झालेल्या छानणीत २४ उमेदवारी अर्जापैकी विराज नाईक यांचा मानसिंगराव नाईक व हणमंतराव पाटील यांचा सत्यजित देशमुख यांना पर्यायी अर्ज असल्याने त्यांचे २  अर्ज अवैध ठरले. यामध्ये चार पक्षीय व ११ अपक्ष असे १५ उमेदवारांचे अर्ज वैध ठरले आहेत.

अर्ज वैध ठरलेले उमेदवार
अ.क्र	उमेदवाराचे नाव	पक्ष
1	मानसिंगराव नाईक	राष्ट्रवादी काँग्रेस शरदचंद्र पवार
2	सत्यजित देशमुख	भारतीय जनता पार्टी
3	आनंदराव सरनाईक	संभाजी ब्रिगेड
4	गौस मुजावर	बहुजन समाज पार्टी
5	सम्राट महाडिक	अपक्ष
6	तेजस्वी महाडिक	अपक्ष
7	विराज नाईक	अपक्ष
8	अनिल अलूगडे	अपक्ष
9	सम्राट शिंदे	अपक्ष
10	रवी पाटील	अपक्ष
11	जितेंद्र देशमुख	अपक्ष
12	निवास पाटील	अपक्ष
13	तानाजी पाटील	अपक्ष
14	प्रवीण पाटील	अपक्ष
15	मानसिंग ईश्वरा नाईक	अपक्ष

 

शिराळा :२८ :ऑक्टोबर :आज सोमवारी शिराळा विधानसभा मतदारसंघातून महायुतीचा उमेदवार म्हणून भाजपचे सत्यजित देशमुख यांनी तर अपक्ष उमेदवर म्हणून भाजपच्या  सम्राट महाडिक यांनी आपला उमेदवारी अर्ज निवडणूक निर्णय अधिकारी रघुनाथ पोटे यांच्याकडे दाखल केला. सम्राट महाडिक यांनी काही मोजक्याच कार्यकर्त्यांच्या समवेत तर सत्यजित देशमुख यांनी मोठे शक्ती प्रदर्शन करत काही मोजक्या कार्यकर्त्या समवेत येवून उमेदवारी अर्ज दाखल केला. 

भाजपच्यावरिष्ठ नेत्यांनी २०१९ ची विधानसभा निवडणूक झाल्या नंतर मला २०२४ला शिराळा विधानसभेची तिकीट देण्याचे आश्वासन दिले होते.पण ते पाळले नाही.या निर्णयामुळे कार्यकर्त्यांच्यात मोठ्या प्रमाणत रोष आहेत.सत्यजित देशमुख आणि मला एकत्रित बसवून उमेदवारी बद्दल निर्णय घ्यायला हवा होता.पण तसे घडले नाही.तिकीट जाहीर झाल्याचे मला टी,व्ही.च्या माध्यमातून समजले.मी  निवडणूक लढवावी अशी काय्कार्त्यांची इच्छा आहे. माझे राजकारण हे कार्यकर्त्यांच्या जीवावर आहे.त्यामुळे त्यांच्या आग्रहास्तवमी अपक्ष म्हणून उमेदवारी अर्ज भरला असल्याचे मत सम्राट महाडिक यांनी पत्रकारांशी बोलताना  व्यक्त केले. यावेळी जिल्हा बँकेचे संचालक राहुल महाडिक, संजय गांधी निराधार योजनेचे अध्यक्ष केदार नलवडे, सतिश महाडिक, राजन महाडिक, कपिल ओसवाल,, मिनाक्षीताई महाडिक, तेजस्विनी महाडिक, सत्यजित कदम,  विद्याताई पाटील व कार्यकर्ते उपस्थित होते.

-----------------------------------------------------------

महायुतीच्यावतीने भाजपचे उमेदवार सत्यजित देशमुख यांनी शिराळा शहरातून भव्य रॅली काढून आपला उमेदवर अर्ज दाखल केला.यावेळी माजी जिल्हा परिषद सदस्य संपतराव देशमुख, शिराळा मंडलचे तालुकाध्यक्ष हणमंतराव पाटील, रणजितसिंग नाईक, विश्वप्रतापसिंह नाईक, पृथ्वीसिंह नाईक  यांच्या सह कार्यकर्ते उपस्थित होते.

  हणमंतराव पाटील, तेजस्वीनी  महाडिक यांनी अर्ज भरले आहेत. 

ी 

शिराळा :२७ ऑक्टोबर :भाजपच्या वरिष्ठ नेत्यांनी सत्यजित देशमुख आणि मला एकत्रित बसवून उमेदवारी बद्दल निर्णय घ्यायला हवा होता . २०१९ ची विधानसभा निवडणूक झाल्या नंतर मला २०२४ ला  शिराळा विधानसभेची तिकीट देण्याचे आश्वासन दिले होते.पण ते पाळले नाही.वरती लॉबिंग करायला आमचं चुकलं असं आम्हाला वाटतंय. या निर्णयामुळे कार्यकर्त्यांची आम्ही निवडणूक लढवावी अशी इच्छा असल्याचे मत सम्राट महाडिक यांनी व्यक्त केले आहे. 

इस्लामपूरातून ज्यांना तिकीट दिली त्यावेळी मला विश्वासात घेतले नाही.ज्यांना उमेदवारी दिली त्यांनी लोकसभेला राजू शेट्टी यांचे काम केले आहे.त्यामुळे इस्लामपूर मधून मी लढावे अशीच कार्यकर्त्यांची भावना आहे.त्या नुसार निर्णय दोन दिवसात घेऊ असे मत राहुल महाडिक यांनी व्यक्त केले.

➖➖➖➖➖➖➖

शिराळा:२६ ऑक्टोबर :भाजपा महायुतीचा उमेदवार म्हणून शिराळा विधानसभा मतदार संघातून भाजपची जाहीर होताच सत्यजित देशमुख यांना हार घालून पेढा भरवून जल्लोष करताना शिवसेना एकनाथ शिंदे गटाचे पृथ्वीसिंह नाईक व इतर कार्यकर्ते 

शिराळा,ता.२६:भाजपा महायुतीचा उमेदवार म्हणून शिराळा विधानसभा मतदार संघातून भाजपची उमेदवारी सांगली जिल्हा मध्यवर्ती बँकेचे संचालक सत्यजित देशमुख यांना जाहीर झाली आहे. त्यांचा उमेदवारी अर्ज सोमवारी (ता.२८) दुपारी १ वाजता भरणार असून भुईकोट किल्ला येथे भव्य प्रचार सभेचे आयोजन केले असल्याची माहिती भाजपाचे शिराळा मंडल अध्यक्ष हणमंतराव पाटील व वाळवा पश्चिम मंडल भाजपा अध्यक्ष डॉ. सचिन पाटील यांनी दिली.

यावेळी पाटील म्हणाले, सोमवार (ता.२८)दुपारी १ वाजता शिराळा अंबामाता मंदिरा पासून रॅली काढण्यात येणार आहे.ही रॅली अंबामाता मंदिर,सोमवार पेठ,कुरणे गल्ली गुरुवार पेठ,पुल गल्ली,शिराळा बसस्थानक मार्गे,तहसिल कार्यालय, भुईकोट जाईल.उमेदवारी अर्ज दाखल केल्या नंतर भुईकोट किल्ला येथे जाहीर सभा होणार आहे.

यावेळी हातकणंगले लोकसभा मतदारसंघाचे खासदार धैर्यशील माने,आमदार विनयर कोरे,आमदार सदाभाऊ खोत,भाजपा नेते सम्राट महाडिक,शिवसेना जिल्हाप्रमुख आनंदराव पवार,राष्ट्रवादी काँग्रेस अजित पवार गट जिल्हाध्यक्ष प्रताप पाटील,निशिकांत दादा पाटील,राहुल दादा महाडिक,सी.बी.पाटील,भगतसिंग नाईक,रणजितसिंह नाईक, आदी प्रमुख मान्यवर उपस्थित राहणार आहेत.तरी सर्व कार्यकर्त्यानी मोठ्या संख्येने उपस्थित रहावे असे आवाहन करण्यात आले आहे.

सोमवारचा आठवडा बाजार आज रविवारी 

शिराळा येथे सोमवारी आठवडा बाजार असतो.मात्र सोमवारी सत्यजित देशमुख रॅली काढून उमेदवारी अर्ज दाखल करणार आहेत.त्यामुळे सोमवार ऐवजी उद्या रविवारी बाजार भरवण्यात येणार आहे.

➖➖➖➖➖➖➖➖➖

शिराळा :२६ ऑक्टोबर : आमदार मानसिंगराव नाईक यांचा उमेदवारी अर्ज भरण्यासाठी मंगळवारी (ता.२९) रोजी सकाळी १० वाजता शिराळ्यात अंबामाता मंदिरापासून भव्य रॅलीचे आयोजन करण्यात आले आहे. रॅली मंदिरापासून शिराळा शहरातील प्रमुख मार्गावरून तहसीलदार कार्यालयाकडे जाईल.उमेदवारी अर्ज भरल्या नंतर  बाह्यवळण रस्ता येथे सभा होईल.

➖➖➖➖➖➖➖➖➖

शिराळा :२६ ऑक्टोबर :भाजपची उमेदवारी सांगली जिल्हा मध्यवर्ती बँकेचे संचालक सत्यजित देशमुख यांना जाहीर झाली.

त्यामुळे सत्यजित देशमुख समर्थकांची व कार्यकर्त्यांची उत्कंठता संपली आहे. कार्यकर्त्यांच्या जल्लोषी वातावरण आहे. सध्या तरी शिराळा विधासभा मतदार संघात भाजपा विरुद्ध राष्ट्रवादी कॉंग्रेस ( शरदचंद्र पवार) पक्ष अशी लढत होणार असे चित्र  आहेत.२९ ऑक्टोबर पर्यंत उमेदवारी अर्ज भरण्याची मुदत असल्याने अपक्ष म्हणून कोण उभा राहणार का ? याची उत्सुक्ता व चर्चा रंगू लागली आहे.

➖➖➖➖➖➖➖

राष्ट्रवादी काँग्रेस शरदचंद्र पवार पक्षाकडून आमदार मानसिंगराव नाईक यांना शिराळा विधानसभा मतदार संघातून उमेदवारी जाहीर 

शिराळा,ता.२४:शिराळा विधानसभा निवडणुकीसाठी आज गुरुवारी अर्ज भरण्याच्या तिसऱ्या दिवशी तीन अपक्ष उमेदवारांनी आपला उमेदवारी अर्ज दाखल केला आहे.आज अखेर तीन दिवसात १६ व्यक्तींनी ३० नामनिर्देशन अर्जाची खरेदी केली आहे.आज अपक्ष उमेदवार म्हणून अनिल रंगराव अलुगडे ( भाटशिरगाव),सम्राट विजयसिंह शिंदे ( शिराळा),रवी भगवानराव पाटील( सागाव ) यांनी उमेदवारी अर्ज दाखल केले आहेत. अद्याप प्रमुख राजकीय पक्षाच्या एकाही उमेदवारांनी अर्ज दाखल केले नाहीत.गुरुपुष्य अमृतचा योग साधून तीघांनी आपले अर्ज दाखल केले आहेत.

पहिल्या दिवशी ९ जणांना १५ अर्जाची विक्री .

दुसऱ्या दिवशी ४ जणांना ८ अर्जाची विक्री झाल्याने दोन दिवसात १३ जणांना २३ अर्जाची विक्री झाली असली तरी दोन दिवसात एक हि अर्ज दाखल नाही.

तिसऱ्या दिवशी तीन अपक्ष अर्ज दाखल .१६ व्यक्तींनी  ३० अर्ज खरेदी केले.

---------------------------

मंगळवारी (ता. 29) रोजी राष्ट्रवादी काँग्रेस शरदचंद्र पवार पक्षाकडून आमदार मानसिंगराव नाईक अर्ज भरणार आहेत. सकाळी 10 वाजता शिराळ्यातील अंबामाता मंदिरापासून रॉलीला सुरवात होईल. तहसीलदार कार्यालयात अर्ज भरून नंतर सभा होणार आहे.

-------------------------------