अपघात प्रकरणी अज्ञातावर गुन्हा Crime against unknown person in case of accident

शिराळा ,ता.२६:सागाव  ता.शिराळा येथील  भागाईवाडी ते सागाव फाटा दरम्यान ज्योतिबा हॉटेल जवळ सागाव गाव हद्दीत  विकास मारुती शेळके (वय ४०)  रा.पुनवत यांच्या दुचाकीला  धडक देवून जखमी केल्या प्रकरणी अज्ञातावर शिराळा पोलिसात गुन्हा दाखल करण्यात आला आहे.ही घटना २० मे रोजी रात्री साडे आठ ते १२ वाजण्याच्या पूर्वी घडली. याबाबत  सीमा विकास शेळके वय ३१ रा.पुनवत  यांनी शिराळा पोलिसात फिर्याद दाखल केली आहे.

याबाबत शिराळा पोलिसांनी दिलेली माहिती अशी, २० मे रोजी रात्री अज्ञात वाहन हे भरधाव वेगाने, निष्काळजीपणे चालवून विकास मारुती शेळके यांच्या दुचाकीला भागाईवाडी ते सागाव फाटा दरम्यान ज्योतिबा हॉटेल जवळ  जात असताना  धडक देऊ  त्यास गंभीर जखमी केले. त्या नंतर अपघाताची माहिती  न देता निघून गेला. म्हणून अज्ञात वाहन चालकावर गुन्हा दाखल करण्यात आला आहे.पुढील तपास पोलीस हवलदार बाजीराव भोसले करत आहेत.