शिराळा,ता.२२ :दुर्गामहोत्सव २०२३ अंतर्गत विश्वास शिक्षण प्रसारक मंडळ,चिखली येथे झिम्मा फुगडी स्पर्धा संपन्न झाल्या यामध्ये महाराष्ट्र हायस्कुल ,रिळे प्रथम क्रमांक पटकावला.

या स्पर्धेसाठी संस्थेतील सर्व शाखामधील मुलीनी सहभाग घेतला होता.विश्वास विद्यानिकेतन,चिखली,लोकनेते फत्तेसिंगराव नाईक प्राथमिक विद्यामंदिर,चिखली, महाराष्ट्र हायस्कुल,रिळे, दिलीपराव नाईक विद्यामंदिर,वाकुर्डे, कमला माधव विद्यालय,गुढे, राजे शिवाजी विद्यालय शिराळे तर्फ मलकापूर या  विद्यालयातील मुलींनी स्पर्धेमध्ये सहभाग घेतला.सरस्वती विद्यामंदिर तुरूकवाडी द्वितीय,दिलीपराव नाईक विद्यामदिर,वाकुर्डे यांनी तृतीय क्रमांक पटकावला.यशस्वी संघांचे अभिनंदन अंकितादेवी नाईक यांनी केले.सुत्रसंचालन व्ही.व्ही.नलवडे यांनी केले.परीक्षण आर.आर.देवकर व पी.व्ही.पाटील यांनी केले.आभार मनिषा कुंभार यांनी मानले.