विश्वासराव नाईक महाविद्यालयास युवा महोत्सवात तीन पारितोषिक |Vishwasrao Naik College won three prizes in the Youth Festival

शिराळा: विश्वासराव नाईक कला, वाणिज्य आणि बाबा नाईक विज्ञान महाविद्यालयाच्या विद्यार्थ्यांनी शिवाजी विद्यापीठ कोल्हापूर आयोजित वारणा महाविद्यालय ऐतवडे खुर्द येथे संपन्न झालेल्या सांगली जिल्हा युवा महोत्सव २०२३ मध्ये  यश संपादन केले. या महोत्सवात महाविद्यालयाला लोकनृत्य व्दितीय, वादविवाद प्रथम, मराठी वक्तृत्व द्वितीय अशी एकूण ३ पारितोषिके मिळाली.या सर्व विजेत्या विद्यार्थ्यांचे संस्थेचे अध्यक्ष ॲड. भगतसिंग नाईक, सचिव विश्वप्रतापसिंग नाईक, उपाध्यक्ष पृथ्वीसिंग नाईक यांनी अभिनंदन केले. या सर्व विद्यार्थ्यांची निवड ११ ते १३ ऑक्टोबर रोजी दहिवडी ,सातारा येथे होणाऱ्या विद्यापीठस्तरीय युवामहोत्सवासाठी  झाली आहे. 

लोकनृत्य मध्ये  दीपलक्ष्मी पाटील, सुप्रिया सातपुते, अभिषेक रोकडे, अक्षता देवकुळे, सलोनी कुंभार, नेहा सुतार, रागिणी वाघमारे, हर्षदा शेणवी, साक्षी पाटील यांनी व्दितीय, सुफीया नायकवडी, अमृता शिंगटे यांनी वादविवाद मध्ये प्रथम तर मराठी वक्तृत्व  मध्ये सुफीया नायकवडी हिने व्दितीय क्रमांक मिळवला. त्यांना  प्राचार्य डॉ . राजेंद्र बनसोडे, उपप्राचार्य राजसिंग पाटील, उपप्राचार्य भिमराव दशवंत, सांस्कृतिक विभाग प्रमुख डॉ. रावसाहेब कांबळे व डॉ. उज्वला बिरजे, इतर प्राध्यापकांचे मार्गदर्शन लाभले.