बाहेर जाताच घरात चोरी |Theft in the house while going out

 

शिराळा,ता.१४: रिळे ता.शिराळा येथील रंजना बबन पाटील यांच्या बंद घरातून अज्ञात चोरट्याने ५४ हजार रुपये किमतीचे सोन्याचे दागिने लंपास केले. ही घटना १३ ऑक्टोंबर रोजी सकाळी आकरा ते साडे बारा वाजण्याच्या सुमारास घडली. याबाबत  रंजना बबन पाटील यांनी शिराळा पोलिसात फिर्याद दिली आहे. शिराळा पोलिसांनी दिलेली माहिती अशी,  १३ ऑक्टोंबर रोजी सकाळी आकरा ते साडे बारा वाजण्याच्या सुमारास रंजना यांच्या घरी कोणी नसल्याचे पाहून अज्ञात चोरट्याने त्यांच्या घरातील मंगळसूत्र , कानातील टॉप्स ,अंगठी असा ५४ हजार रुपयाचा ऐवज लंपास केला. पुढील तपास मंजिरी कुंभार करत आहेत.