विश्वास कारखाना, विराज इंडस्ट्रिज, विश्वास कामगार संघटनेमार्फत वाढदिवस साजरा \Birthday celebration by Vishwas Factory, Viraj Industries, Vishwas Labor Union

Shiv News June 26, 2023

शिराळा,ता.२६:चिखली (ता. शिराळा) येथे सांगली जिल्हा मध्यवर्ती बँक व विश्वासराव नाईक सहकारी साखर कारखान्याचे अध्यक्ष, आमदार मानसिंगराव नाईक यांचा वाढदिवसानिमित्त विश्वास कारखाना, विराज इंडस्ट्रिज, विश्वास कामगार संघटनेमार्फत अधिकारी व कर्मचाऱ्यांमार्फत सत्कार करण्यात आला.

पूर्वनियोजित दौऱ्यामुळे आमदार मानसिंगराव नाईक आज वाढदिवसा दिनी मतदार संघात उपलब्ध नव्हते. त्यांचा सपत्नीक सत्कार करण्यात आला. यावेळी मानसिंगराव नाईक यांनी केक कापून वाढदिवस साजरा केला. कार्यकारी संचालक अमोल पाटील यांनी नाईक यांना पोषाख, शाल, श्रीफळ व पुष्पगुच्छ देवून तर फत्तेसिंगराव नाईक दूध संघाच्या नुतन संचालक रुपाली पाटील यांनी सौ. सुनितादेवी नाईक यांना साडी व हळदी, कुंकू देवून सत्कार केला. यावेळी विश्वास कामगार संघटनेमार्फतही शाल, फेटा व पुष्पगुच्छ देवून आमदार नाईक यांचा सत्कार झाला. विश्वासचे संचालक विराज नाईक, कामगार संचालक दत्तात्रय पाटील, कामगार संघटना अध्यक्ष टी. एम. साळुंखे, उपाध्यक्ष विजय पाटील, सरचिटणीस विजय देशमुख, कारखान्याचे सर्व अधिकारी, कर्मचारी व सभासद उपस्थित होते.

-------------

भाऊ