गोरक्षनाथ जयंती

गोरक्षनाथ जयंती | Gorakhnath Jayanti

Shiv News November 06, 2022

गोरक्षनाथ जयंती | Gorakhnath Jayanti

शिराळा ता.६: हजारो भाविकांच्या उपस्थितीत येथील गोरक्षनाथ मंदिरात गोरक्षनाथ जयंती विविध कार्यक्रमांनी साजरी करण्यात आली. हा उत्सव मठाधिपती पीर पारसनाथ महाराज व आनंदनाथ महाराज यांच्या आयोजनातून व प्रमुख सर्व संयोजकांच्या सहकार्याने मोठ्या उत्साहाने पार पडला .

गोरक्षनाथ जयंती | Gorakhnath Jayanti

आज रात्री बारा वाजता गुप्त अभिषेक कर्जत येथील राशीनचे सभापती श्याम कानकुडे,रविवारी पहाटे तीन वाजता गोरक्षनाथांना मठाधिपती पीर पारसनाथ महाराज, स्वप्नील निकम,अवधूत सोनटक्के, सत्यजित शिंदे , यांच्या अभिषेक घालण्यात आला. सकाळी साडेपाच वाजता मंगल आरती व त्यानंतर साडेसहा ते साडेआठ वाजेपर्यंत वारणा बँकेचे अध्यक्ष विश्वेश्वर कोरे व शिराळा नगरपंचायतचे मुख्याधिकारी योगेश पाटील यांच्या हस्ते विशेष अभिषेक घालण्यात आला.सकाळी नऊ ते अकरा या दरम्यान .ह.भ.प.एकनाथ तात्यासो वास्कर महाराज यांचे कीर्तन झाले.सकाळी अकरा वाजता हजारो भाविकांच्या उपस्थितीत जन्मकाळ व फुले बरसा कार्यक्रम झाला.दुपारी दोन पर्यंत आलेल्या भाविकांच्यासाठी महाप्रसादाचे आयोजन करण्यात आले होते.

गोरक्षनाथ जयंती | Gorakhnath Jayanti

यावेळी खासदार संजयकाका पाटील,आमदार विनय कोरे ,सांगली जिल्हा परिषदेचे माजी उपाध्यक्ष सत्यजित देशमुख, महाराष्ट्र प्रदेश काँग्रेसचे महासचिव मृणाल पाटील , माजी जिल्हा परिषद सदस्य रणधीर नाईक, बिहारचे बाहुबली शरद यादव, बाबू शेट्टी, सरपंच सुखदेव पाटील, वारणा साखर कारखान्याचे संचालक विजय पाटील , प्रतापसिंह चव्हाण,सुशांत पाटील उपस्थित होते.

गोरक्षनाथ जयंती | Gorakhnath Jayanti