स्वाभिमानी शेतकरी संघटनेच्या कार्यकर्त्यांनी उस वाहतूक रोखली | Activists of Swabhimani Shetkar Sangathan stopped sugarcane transportation

Shiv News November 17, 2022

शिराळा ,ता.१७: उस दराबाबत स्वाभिमानी शेतकारी संघटनेने सुरु केलेल्या आंदोलकांनी शिराळा तालुक्यात कांदे सागाव , भाटशिरगाव तीन ठिकाणी तुरळक असणारी उस वाहतूक रोखली असून काही वाहनाची हवा सोडली आहे.

शेतकऱ्यांना एक रकमी एफआरपी मिळावी, कारखान्याचे वजन काटे ऑनलाइन व्हावे व बाहेरून कुठूनही ऊस वजन करून आणला तरी कारखान्याने स्वीकारावा व इतर मागण्या साठी सरकारचे लक्ष वेधण्यासाठी संघटनेच्यावतीने आंदोलन सुरु आहे. त्यामुळे ऊस वाहतूक करणाऱ्या ट्रॅक्टर मालकांना आज १७ व उद्या १८ रोजी ऊसतोड व वाहतूक बंद करून स्वाभिमानी शेतकरी संघटनेच्या आंदोलनाला पाठींबा द्यावा असे संघटनेने आवाहन केले होते. त्यास काही ट्रॅक्टर मालकांनी प्रतिसाद न देता उस वाहतूक सुरु केल्याची माहिती संघटनेच्या कार्यकर्त्यांना समजली. त्यांनी कांदे सागाव , भाटशिरगाव ( ता.शिराळा) येथे ऊस वाहतूक करणारे ट्रॅक्टर अडवून चाकामधील हवा सोडली. यावेळी संघटनेचे जिल्हा उपाध्यक्ष राम पाटील , मानसिंग पाटील , प्रकाश पाटील , अरविंद पाटील , अरुण पाटील व इतर शेतकरी उपस्थित होते.