संयम ऍग्रो प्रोसेसिंग को-ऑपरेटिव्ह लिमिटेड या कंपनीच्या शुभारंभ | Launch of Samyam Agro Processing Co-operative Limited

Shiv News October 18, 2022

शिराळा,ता.१८ :नवनवीन उद्योग उभारणी करून तरुणांच्या हाताला काम मिळवून देणार असल्याचे प्रतिपादन भाजप नेते,सांगली जिल्हा मध्यवर्ती सहकारी बँक संचालक सत्यजित देशमुख यांनी केले.

शिराळा येथे नव्याने उभारण्यात आलेल्या संयम ऍग्रो प्रोसेसिंग को-ऑपरेटिव्ह लिमिटेड या कंपनीच्या शुभारंभ प्रसंगी ते बोलत होते.यावेळी माजी जिल्हा परिषद सदस्य संपतराव देशमुख, भाजपा तालुकाध्यक्ष हणमंतराव पाटील, रणजीत नाईक, के.डी.पाटील, पंचायत समिती सदस्य आनंदराव पाटील,माजी सभापती चंद्रकांत पाटील, सांगली जिल्हा भाजपा महिला अध्यक्ष उषाताई दशवंत, संस्थेच्या चेअरमन सुप्रिया पाटील, घनश्याम पाटील,सम्राटसिंह शिंदे, सुदाम पाटील,भोजराज घोरपडे, शारदाताई घारगे, प्रमुख उपस्थित होते. यावेळी प्रमुख मान्यवरांच्या हस्ते या प्रकल्पाचा शुभारंभ करण्यात आला.

यावेळी बोलताना सत्यजित देशमुख म्हणाले,शिराळा व वाळवा तालुक्यामध्ये औद्योगिक संस्था उभारून तरुणांच्या हाताला काम देण्यात प्रयत्न आहे.संयम ऍग्रो संस्था ही एक आदर्श संस्था म्हणून नावलौकिक मिळवेल.गव्हावर प्रक्रिया करून वेगवेगळ्या पाच प्रकारची उत्पादने यापासून निर्मिती होणार आहेत. या उत्पादनास बाजारपेठे मध्ये चांगली मागणी आहे. शिराळा तालुका हा डोंगरी व दुर्गम तालुका असून या ठिकाणचे अनेक युवक मुंबई,पुणे सह अन्य शहरांमध्ये उद्योग व्यवसायासाठी जात असतात.हा युवकांचा शहराकडे जाणारा ओढा स्थानिक ठिकाणी नोकरी मिळवून देण्याचा प्रयत्न आहे. या पुढील काळातील अनेक नवनवीन संस्था उभारून या विभागातील शिराळा व वाळवा तालुक्यातील तरुणांच्या हाताला काम मिळवून देण्याचा प्रयत्न करणार आहे.

यावेळी शिवाजीराव जाधव, हिंदुराव नांगरे, संपत चरापले, तानाजी पाटील, धनाजी नरुटे, उत्तम गावडे,जयसिंग गायकवाड ,संभाजी नलावडे,मनोहर चिंचोलकर, स्वप्निल देशमुख,गोरख पाटील, जयवंत नांगरे ,अशोक पाटील, हणमंत पाटील,शहाजी बोबडे, सुनील पाटील, सचिन नलवडे, अभिजीत शेणेकर, विद्यु कुलकर्णी आदी अनेक, कार्यकर्ते उपस्थित होते.आभार अभिजीत यादव यांनी मानले.