अण्णाभाऊ साठेंंना मरणोत्तर भारतरत्न पुरस्कार देवून त्यांचे वाटेगावात स्मारक उभारा: खासदार माने | Posthumously award Bharat Ratna to Annabhau Sathe and erect a memorial for him in Wategaon: MP Mane

Shiv News August 08, 2022

शिराळा, ता.८: लोकशाहीर अण्णाभाऊ साठे यांचे देशाप्रती असलेले समर्पण लक्षात घेऊन त्यांना मरणोत्तर भारतरत्न पुरस्काराने सन्मानित करण्यात यावे. त्याच बरोबर त्यांचे जन्मगाव वाटेगाव येथे भव्य स्मारक उभारावे, अशी मागणी खासदार धैर्यशील माने यांनी लोकसभेत केली.

यावेळी ते म्हणाले,अण्णाभाऊ साठे हे मराठी साहित्यातील सर्वोत्कृष्ट लेखक होते. त्यांचा जन्म १ ऑगस्ट १९२० रोजी वाटेगाव येथे एका अत्यंत गरीब मातंग कुटुंबात झाला. २०१९ते २०२० हे वर्ष अण्णाभाऊ साठेजींचे जन्मशताब्दी वर्ष होते. अण्णाभाऊ यांनी केवळ एक दिवसाचे शिक्षण घेऊन ३० कादंबर्‍या, १६ कथासंग्रह, एक नाटक, १० लोकनाट्य, एक प्रवासी साहित्य आणि पोवाडा साहित्याची निर्मिती केली.त्यांच्या कादंबरीवर मराठीत चित्रपटही तयार झाला आहेत. याकडे खासदार माने यांनी सभागृहाचे लक्ष वेधले.

अण्णाभाऊ साठे यांनी लिहिलेल्या फकिरा कादंबरीला १९६० साली महाराष्ट्र शासनाचा पहिला पुरस्कार मिळाला आहे. याशिवाय त्यांचे साहित्य मराठी शिवाय देश-विदेशातील २७ हून अधिक भाषांमध्ये अनुवादित झाले आहे.अण्णाभाऊ साठे हे एक महान कलाकार होते, ज्यांनी आपल्या साहित्यातून दीनदुबळ्यांच्या, कष्टकर्‍यांचे प्रश्न जागतिक पटलावर मांडले.

याचा परिणाम म्हणून, त्यांनी लिहिलेला पोवाडा रशियामध्ये प्रसिद्ध झाला आणि रशियन सरकारने त्यांना मार्क्सवादी विचारसरणीचा प्रभावशाली लेखक मानून रशियाला बोलावले. अण्णाभाऊ साठे यांनी चालवलेल्या संयुक्त महाराष्ट्र चळवळीचा परिणाम म्हणजे मुंबईला महाराष्ट्र मिळाला. देश आणि महाराष्ट्राच्या क्रांतीत अण्णाभाऊंचे मोठे योगदान आहे. असे खासदार माने यांनी सभागृहात सांगितले.

महाराष्ट्र सरकारने दिलेली ३५० रुपये अनुदानाची रक्कम हा त्यांच्या आयुष्यातील शेवटचा उपाय होता, या वंचिततेमुळे त्यांची आर्थिक स्थिती हळूहळू खालावत गेली आणि महाराष्ट्र महर्षी साहित्यसम्राट या गरीब आणि कष्टकर्‍यांसाठी लढणार्‍या दलितांच्या परिवर्तनामुळे साहिरी दिली. देशासाठी साहित्यिक, १८ जुलै १९६० रोजी आर्थिक वंचिततेमुळे निधन झाले. अशा थोर साहित्यीकांचा यथोचित सन्मान झाला पाहिजे. त्यांना मरणोत्तर भारतरत्न पुरस्काराने सन्मानित करण्यात यावे.अशी मागणी खासदार धैर्यशील माने यांनी केली.