विश्वास कारखान्याची निवडणूक ताकदीने लढवू -रणजितसिंह नाईक |We will fight the election of Vishwas Karkhana vigorously

विश्वास कारखान्याची निवडणूक ताकदीने लढवू -रणजितसिंह नाईक |We will fight the election of Vishwas Karkhana vigorously - Ranjit Singh Naik

Shiv News December 08, 2021

विश्वासराव नाईक सहकारी साखर कारखान्याची पंचवार्षिक निवडणूक सभासद व कामगारांच्या सन्मानासाठी ताकदीने लढवणार असल्याचे मत रणजितसिंह नाईक यांनी व्यक्त केले.

शिराळा येथे त्यांच्या निवास्थानी आयोजित पत्रकार परिषदेत बोलत होते.यावेळी नाईक म्हणाले, शिराळा- शाहूवाडी तालुक्याच्या डोंगरी भागातील गरीब शेतकऱ्यांचा उत्कर्ष साधण्यासाठी कारखान्याची उभारणी स्वर्गीय विश्वासराव नाईक भाऊ यांनी कै. यशवंतराव चव्हाण यांच्या मदतीने व सहकार्याने केली. कारखाना उभारणी दरम्यानच विश्वासभाऊंचे अपघाती निधन झाले. कारखान्याच्या उभारणीमध्ये माजी आमदार कै . वसंतराव नाईक, स्वर्गीय फत्तेसिंग नाईक, दिवंगत माजी मंत्री व सभापती शिवाजीराव देशमुख यांनी योगदान दिले आहे. संस्थेला उर्जित अवस्था आणण्यासाठी माजी मंत्री शिवाजीराव नाईक यांनी मोलाची मदत केली. कारखाना पुन्हा एकदा सुरु करण्यासाठी खासदार कै.उदयसिंह गायकवाड व हिंदकेसरी कै. गणपतराव आंदळकर यांनी मोठे सहकार्य व मदत केली.

सन २००० पर्यंत कारखान्याकडून कै. आप्पांच्या नेतृत्वाखाली सर्वांच्या साथीने व सहकार्याने ऊस उत्पादकाचे व कामगारांचे हित जोपासण्याचे काम केले. त्यानंतर मात्र सभासद, ऊस उत्पादक व कामगार यांचा विचार न करता कारभार चालवला जात आहे. २०१६ मध्ये हा कारखाना खासगीकरण्याचा देखील त्यांनी घाट घातला होता. याला आम्ही विरोध केल्याने खाजगीकरणाचा प्रयत्न थांबला. याच मुद्द्यावर आम्ही बाहेर पडलो. आता सभासद, ऊस उत्पादक, कामगार या सर्वांना न्याय देण्यासाठी व त्यांच्या असंतोषाला वाचा फोडण्यासाठी आम्ही या कारखान्याची निवडणूक लढवण्याचा निर्धार केला आहे.

यावेळी नगरसेवक अभिजितसिंह नाईक, विक्रमसिंह नाईक, जिल्हा परिषद माजी सभापती सौ. वैशाली नाईक, श्रीमती शोभाताई नाईक, सौ. दुर्गादेवी नाईक, शक्ती पाटील उपस्थित होते.

चित्रपट पाहण्यासाठी पोस्टरवर क्लिक करा