उद्यान निर्मीतीचा प्रथम वर्धापनदिन | The first anniversary of the creation of the garden

Shiv News November 12, 2021

शिराळा: नगरपंचायतने नाग कट्टा येथे लावलेल्या ४५० रोपांच्या उद्यान निर्मीतीचा प्रथम वर्धापनदिन नगराध्यक्षा प्रतिभा पवार व मुख्याधिकारी योगेश पाटील यांच्या हस्ते केक कापून साजरा करण्यात आला.

या उद्यानात सद्यस्थितीत ९५ टक्के झाडांची वाढ उत्कृष्ट पध्दतीने झाली असून झाडे ६ ते १० फुट उंचीची झाली आहेत.

प्रथम वर्धापन दिना निमित्ताने उद्यान परिसराची स्वच्छता व मशागत करुन , फुग्याची सजावट व आकर्षक रांगोळी काढण्यात आली होती. झाडांना वृक्ष संवर्धन व वृक्षांचे महत्त्व पटवून देणारे संदेश फलक लावण्यात आले. होते. गतवर्षाच्या वृक्ष लागवडीपासून आजपर्यतचा झाडांच्या सद्यस्थितीची माहिती देणारा माहिती फलक ही यावेळी लावण्यात आला होता.

संध्याकाळच्या वेळी परिसर आकर्षक बनविण्याच्या हेतूने विद्युत रोषणाई ही करण्यात आली आहे.वर्षपूर्ती कार्यक्रम अंतर्गत माझी वसुंधरा अभियान 2.0 व वृक्ष जतन व संवर्धन जतनपर जनजागृती करणारा केक बनवून शिराळा शहराच्या नगराध्यक्षा प्रतिभा पवार व मुख्याधिकारी योगेश पाटील यांच्या हस्ते कापण्यात आला. उपनगराध्यक्ष विजय दळवी, नगरसेवक किर्तीकुमार पाटील, संजय हिरवडेकर,उत्तम डांगे, नगरसेविका सुनीता निकम, सुनंदा सोनटक्के, नेहा सुर्यवंशी, सीमा कदम,राजश्री यादव,गजानन सोनटक्के ,प्रणव महाजन, सुविधा पाटील, अर्चना गायकवाड, शरद पाटील, आनंद औताडे,हणमंत कांबळे, सुभाष इंगवले, प्रकाश शिंदे, संजय इंगवले, आबाजी दिवाण , सदानंद तिळे, भालगु यादव, अली मुंडे,विजय शिंदे ,लक्षमण मलमे, काजल शिंदे,प्रीती पाटील, उपस्थित होते.

आता खरच याची गरज आहे- टमरेल मराठी लघु चित्रपट