शिराळा तालुक्यात चुरशीने मतदान

शिराळा तालुक्यात चुरशीने मतदान | Churshi polling in Shirala taluka

Shiv News November 21, 2021

शिराळा: सांगली जिल्हा मध्यवर्ती सहकारी बँकेसाठी झालेल्या मतदानात शिराळा तालुक्यातून २०८ मतदारांनी मतदानाचा हक्क बजावल्याने अत्यंत चुरशीने पण शांततेत ९८.११% मतदान झाले आहे.

शिराळा येथील न्यू इंग्लिश स्कूल येथील मतदान केंद्रावर सकाळी ८ वाजता मतदानास प्रारंभ झाला. सकाळ पासून जास्ती जास्त मतदान करून घेण्यासठी महाविकास आघाडीच्या सहकार विकास पॅनेेल व भाजपच्या शेतकरी विकास पॅनेेल च्या कार्यकर्त्यांनी कंबर कसली होती.

शिराळा तालुक्यात एकूण २१२ मतदार होते. त्यापैकी २०८ जणांनी मतदानाचा हक्क बजावला. तीन मयत व एक बाहेरगावी असल्याने त्यांचे मतदान होऊ शकले नाही .मजूर संस्था गटातून भाजपच्या शेतकरी विकास पॅनेेलचे उमेदवार सत्यजीत देशमुख ,महाविकास आघाडीच्या सहकार विकास पॅनेेल मधून बिनविरोध निवडून आलेल्या आमदार मानसिंगराव नाईक यांनी आपला मतदानाचा हक्क बजावला. याच बरोबर सौ सुनीताताई नाईक, जिल्हा परिषद सदस्य संपतराव देशमुख, रणधीर नाईक,सत्यजीत नाईक यांनी मतदानाचा हक्क बजावला.

मतदान केंद्रास मजूर संस्था गटातील उमेदवार संग्रामसिंह देशमुख,पतसंस्था गटातील किरण लाड, आमदार अरुण अण्णा लाड, उमेदवार संग्रामसिंह देशमुख, उमेदवार किरण लाड , उमेदवार सुनील चव्हाण, सम्राट महाडिक , यांनी शिराळा येथील मतदान केंद्रावर भेट दिली.

हे ही वाचा -सांगली बँक मतदान टक्केवारी

चेहऱ्याला रंग लावण्यापूर्वी आपली अभिनय क्षमता ओळखा- अभिनेते सुशांत शेलार|Before painting your face, recognize your acting ability - Actor Sushant Shelar