मैत्रिणीच्या बदल्यात पोलिसानेच केले युवकाबरोबर अनैसर्गिक कृत्य|In exchange for his girlfriend, the police committed an unnatural act with the youth

मैत्रिणीच्या बदल्यात पोलिसानेच केले युवकाबरोबर अनैसर्गिक कृत्य|In exchange for his girlfriend, the police committed an unnatural act with the youth

इस्लामपूर: प्रेम प्रकरणावरून महाविद्यालयीन युवकाला ब्लॅकमेल करून त्याच्या सोबत केलेल्या अनैसर्गिक संबंधाची व्हिडीओ क्लिप व्हायरल करण्याची धमकी देत खंडणी घेतल्या प्रकरणी इस्लामपूर पोलीस ठाण्याचा हवलदार हणमंत कृष्णा देवकर (वय ३४, रा. इस्लामपूर) याच्यावर इस्लामपूर पोलीस ठाण्यात गुन्हा दाखल करण्यात आला आहे. ही माहिती उपविभागीय पोलीस अधिकारी कृष्णात पिंगळे यांनी आज पत्रकार बैठकीत दिली.

यावेळी पिंगळे म्हणाले,, " २७ ऑक्टोबरला पहाटे तीनच्या सुमारास हणमंत देवकर व आणखी एक कर्मचारी रस्त्यावर पेट्रोलिंग करीत होते. त्यावेळी एक महाविद्यालयीन युवक आपल्या मैत्रणीला भेटून पुन्हा वसतीगृहात जात होता. त्यावेळी त्यास अडवून त्याच्याकडे चौकशी केली. त्यावेळी त्याने मी मैत्रिणीला भेटून आलो आहे असे सांगितले. त्यावेळी युवकांकडून त्या पोलिसाने त्याचा फोन नंबर घेतला.

२९ ऑक्टोबरला तो युवक ज्या महाविद्यालयात शिकत होता त्या महाविद्यालयाच्या गेटजवळ जात त्या हवलदाराने ने त्या युवकांस फोन करुन भेटायला बोलवले. सकाळी सव्वा अकराच्या सुमारास संबंधीत युवक पोलिसांना भेटला. त्याच्याकडे पैशाची मागणी केली. पैसे न दिल्यास त्याचे प्रेम प्रकरण तुझ्या व मैत्रिणीच्या घरी सांगेन अशी धमकी दिली.

त्यावर युवकाने आपल्या मित्रांच्याकडून चार हजार रुपये उसने घेवून त्यास दिले. त्यांतर त्याने तरुणाकडे त्याच्या मैत्रिणीचा मोबाईल नंबर मागून तिला माझ्याबरोबर शारिरीक संबंध ठेवायला सांग अशी मागणी केली.. संबंधीत तरुणाने ती मुलगी चांगल्या घरातील आहे असे सांगून तसे करण्यास स्पष्ट नकार दिला. त्यावर त्याने तु तसे न केल्यास तुझ्याबरोबर शारिरीक संबंध ठेवेन असे सांगितले.

त्यामुळे संबंधीत तरुण घाबरला. देवकर याने त्याला त्याच्या वसतीगृहातील रुमवर नेले. रुमवर असलेल्या मित्राला दुसऱ्या रुममध्ये जाण्यास सांगितले. तेथे त्याने त्या तरुणाशी अनैसर्गिक संबंध ठेवले व त्याची व्हीडीओ क्लिप तयार करुन तो तेथून निघून गेला.

२१ नोव्हेंबरला दुपारी साडे बाराच्या सुमारास त्याने पुन्हा त्या युवकास मोबाईलवर फोन करुन महाविद्यालयाच्या गेटवर बोलावून घेतले व शारिरीक संबंधाची मागणी केली. तसे न केल्यास मोबाईलमधील क्लीप दाखवून तो व्हायरल करण्याची धमकी दिली. संबंधीत तरुणाने हा प्रकार आपल्या मित्रांना सांगितला. त्यांतर हवलदार देवकर याच्या विरोधात इस्लामपूर पोलिस ठाण्यात फिर्याद दिली. पोलिसांनी त्यास तात्काळ अटक केली. त्याच्यावर अनैसर्गिक संबंध ठेवणे, खंडणी, अश्लील क्लिप व्हायरल करणे, धमकावणे असे गुन्हे दाखल करण्यात आले आहेत.

चेहऱ्याला रंग लावण्यापूर्वी आपली अभिनय क्षमता ओळखा- अभिनेते सुशांत शेलार|Before painting your face, recognize your acting ability - Actor Sushant Shelar