५८ कर्मचारी निलंबित तर एस.टी.च्या जागी खासगी वाहने।58 employees suspended, ST replaced by private vehicles

Shiv News November 10, 2021

सांगलीत ५८ एसटी कर्मचाऱ्यांचं निलंबन तर प्रवाशांची गैरसोय टाळण्यासाठी फलाटावर एस.टी. ची जागा घेतली काळ्या पिवळ्या खासगी प्रवाशी गाड्यानी. ३५ खासगी गाड्यांची सोया करण्यात आली होती. एस.टी च्या दरात प्रवास होता. या गाड्यांना पोलिसांनी संरक्षण दिले होते.

संपात सहभागी होवून प्रवाशांची गैरसोय केल्याने जिल्ह्यातील ५८ एस.टी.कर्मचार्‍यांवर निलंबनाची कारवाई करण्यात आल्याची माहिती एसटीचे सांगली विभाग नियंत्रक सुनिल भोकरे यांनी माहिती दिली.

निलंबित करण्यात आलेल्या कर्मचाऱ्यांमध्ये आटपाडी आगारातील २०, इस्लामपूर २०, जत १६ आणि पलुस आगारातील २ अशा एकूण ५८ एसटी कर्मचार्‍यांचा समावेश आहे.

एसटी महामंडळ राज्य शासनात विलीनीकरण करावे या मागणीसाठी एसटी कर्मचारी कृती समितीने संप पुकारण्यात आला होता. पण काही मागण्या मान्य झाल्यानंतर कृती समितीने संप मागे घेतला होता. त्यानंतर कर्मचार्‍यांनी विलीनीकरणासाठी संप ठेवला होता. ऐन सणासुदीत कर्मचार्‍यांनी संप केल्याने जिल्ह्यातील एस.टी. वाहतूक ठप्प झाली.

विलीनीकरणाची मागणी ही महामंडळाच्या अखत्यारीत नसून शासनाधिन आहे. त्यामुळे बेकायदेशीर संपात सहभागी न होता कर्मचाऱ्यांनी कामावर हजर व्हावे, अशी नोटीसही महामंडळाकडून कर्मचार्‍यांना देण्यात आली होती. पण त्याकडे दुर्लक्ष करीत प्रारंभी आटपाडी, जत, विटा आगार सहभागी झाले होते, त्यांनतर शिराळा आणि इस्लामपूर आगारही संपात सहभागी झाले. तर सोमवारी सर्वच आगारांनी सहभाग घेतला.