शिराळा,ता.४: शिराळा तालुका महिला राष्ट्रवादी काँग्रेसच्यावतीने सतत वाढणाऱ्या घरगुती गॅसच्या किमतीच्या विरोधात आंदोलन करून येथील पोस्ट कार्यालयातून पंतप्रधान नरेंद्र मोदी यांना शेण्यांचे (शेणकुटे/गोवऱ्या) पार्सल पाठवण्यात आले. यावेळी सतत होणाऱ्या दर वाढी विरोधात घोषणा देण्यात आल्या.
या आंदोनाचे नेतृत्व तालुकाध्यक्ष साधना पाटील यांनी केले. आपला बझार समुहाच्या अध्यक्ष सौ. सुनितादेवी नाईक, जिल्हा परिषद सदस्या सौ. अश्विनीताई नाईक ,सौ. दिपालीताई नाईक प्रमुख उपस्थित होत्या.
येथील अंबामाता मंदिराजवळ एकत्रित येऊन महिलांनी सतत केंद्र सरकारकडून केल्या जाणाऱ्या दरवाढीविरोधात घोषणा दिल्या. गॅस, पेट्रोल व डिझेलच्या दरात सातत्याने वाढ होत आहे. अन्नधान्य, गोडेतेल यांच्यासह महागाईने उच्चांक गाठला आहे. यामध्ये मध्यम, सामान्य, शेतकरी व कष्टकरी करणारा वर्ग भरडला जातोय. केंद्र सरकारने महागाई रोखण्यासाठी पावले उचलावीत अशी मागणी केली.
0 Comments