दोन घरात २५ आणि ५५ वर्षाने झाले लेकीचे आगमन म्हणून केला आनंदोत्सव

 

शिराळा: शिराळा येथे २५  तर कडेगाव येथे ५५ वर्षांनीं घरात मुलगी जन्माला आल्याने शिराळच्या सूर्यकांत शहा व कडेगावच्या फुलचंद शहा या दोन्ही घराण्यात दोन्ही मुलींचे आगळ्यावेगळ्या स्वरूपात स्वागत करून आनंदोत्सव साजरा केला.

  प्रणाली व पार्थ (शिराळा) आणि निखिल व मनाली ( कडेगाव) या शहा कुटुंबातील दोघांनाही मुलगी झाली. शिराळा च्या कुटुंबात २५ तर कडेगाव च्या कुटुंबात ५५ वर्षांनी मुलगी झाली. त्यांना  शिराळा व कडेगाव या गावी आणण्यात आले.  त्यासाठी घरापासून चाळीस ते पन्नास फूट फुलांची चादर करण्यात आली होती. स्वागताचे फलक लावण्यात आले होते. वीस - पंचवीस लहान मुलांच्या समवेत तिला घरी आणण्यात आले . तांदळाचा तांब्या ओलांडून तसेच कुंकवाच्या पाऊलानी तिचा गृहप्रवेश करण्यात आला.सर्व मुलांना खाऊ वाटप करण्यात आले. एका वेगळ्या पद्धतीने कार्यक्रम करण्यात आला यावेळी सूर्यकांत शहा , माजी ग्रामपंचायत सदस्या विजयमाला शहा , विकास शहा ,चांदणी शहा , विपुल शहा ,  लीना शहा , पार्थ शहा , विशाल शहा , काजल शहा , वैभव शहा , विवेक शहा  तर कडेगाव येथे फुलचंद शहा , संध्या शहा , नितल शहा, भाविका शहा , अनिल शहा , यांच्यासमवेत परिसरातील अबाल वृद्ध नागरिक  उपस्थित होते.

कडेगाव येथील कुटुंबात ५५ वर्षांनी मुलगी झाली म्हणून कृष्णा हॉस्पिटलमध्ये सर्व वैद्यकीय अधिकारी , कर्मचारी, रुग्ण यांना बर्फी वाटून फेरा धरून नाचलेही. हा आनंद मुलांसाठी नाही तर मुलींसाठी होता.