म्हणून आरोग्य कर्मचारी बसले मुख्याधिकारी यांच्या खुर्चीवर

शिराळा नगरपंचायतीचे आरोग्य कर्मचारी अरूण बापू लोंढे हे सेवानिवृत्त झाले.  त्यांच्या सेवानिवृत्तीचा कार्यक्रम  नगरपंचायत कार्यालयात संपन्न झाला. करण्यात आला होता. यावेळी नगराध्यक्षा सौ. सुनिता निकम,उपनगराध्यक्ष विजय दळवी यांच्या हस्ते अरूण बापू लोंढे व त्यांच्या पत्नी उषा  लोंढे यांना आहेर व भेटवस्तू देणेत आली. मुख्याधिकारी योगेश पाटील यांनी भविष्य निर्वाह निधीचा धनादेश देऊन अरुण बापू लोंढे यांना आपल्या खुर्चीवर बसवून  अनोख्या पध्दतीने त्यांचा सन्मान केल्याने  लोंढे दाम्पत्य भावूक झाले. उपनगराध्यक्ष  विजय दळवी यांनी वैयक्तिक सत्कार करुन ठराविक रक्कम भेट म्हणून दिली. 

कार्यक्रमावेळी नगराध्यक्षा सुनिता निकम ,मुख्याधिकारी योगेश पाटील,  नगरपंचायत कर्मचारी सुभाष इंगवले, लक्ष्मण मलमे , तात्यासो कांबळे यांनी त्यांच्या कार्यकाळामधील अनुभव सांगितले सदरच्या आठवणी सांगताना त्यांना अश्रु अनावर झाले. 

यावेळी पाणीपुरवठा सभापती मोहन जिरंगे, नगरपंचायत अधिकारी व कर्मचारी वर्ग उपस्थित होता. अधिक्षक सुविधा पाटील यांनी आभार मानले .