सुरुलच्या सरपंच सौ. कुंदाताई पाटील यांचा भाजपमधून राष्ट्रवादी काँग्रेसमध्ये प्रवेश

 

सुरुल (ता वाळवा) येथील भाजपाच्या लोकनियुक्त सरपंच व माजी राज्यमंत्री शिवाजीराव नाईक समर्थक सौ. कुंदाताई पाटील यांच्यासह ग्रामपंचायत सदस्य, सेवा सोसायटी अध्यक्ष, उपाध्यक्ष, सर्व अकरा सदस्य व इतर मान्यवरांनी आज भाजपमधून राष्ट्रवादी काँग्रेसमध्ये प्रवेश केला. 

राज्याचे जलसंपदा मंत्री, राष्ट्रवादी काँग्रेसचे प्रदेशाध्यक्ष मा. ना. जयंतराव पाटील व आमदार मानसिंगराव नाईक प्रमुख उपस्थितीत होते. सांगली जिल्हा परिषदेचे माजी अध्यक्ष देवराज पाटील, राष्ट्रवादी काँग्रेसचे सरचिटणीस बाळासाहेब पाटील,  राजारामबापू पाटील बँकेचे संचालक संजय पाटील, माजी सरपंच संदेश पाटील उपस्थित होते. यावेळी लोकनियुक्त सरपंच सौ. पाटील यांच्यासह ग्रामपंचायत सदस्य शिवाजी पाटील, स्वप्नाली मदने, भानुदास कांबळे, सेवा सोसायटी अध्यक्ष जगन्नाथ यशवंत पाटील, उपाध्यक्ष एस. आर. पाटील, माजी अध्यक्ष सेवा सोसायटी शिवाजी पाटील, माजी उपसरपंच धनाजी पाटील, माजी ग्रामपंचायत सदस्य अनिल पाटील, कॅप्टन राजाभाऊ पाटील, मधुकर पाटील, तंटामुक्ती अध्यक्ष अशोक पाटील, साहेबराव पाटील, अनिल शेवाळे, सोसायटी सदस्य सर्वश्री. उत्तम शेवाळे, धनाजी पाटील, संदीप पाटील, साहेबराव पाटील, विश्वास पाटील, प्रकाश पाटील, मारुती बंडगर, शिवाजी गुरव, विजया पाटील, कांताबाई पाटील आदींनी राष्ट्रवादीमध्ये प्रवेश केला. त्यांचा सत्कार व स्वागत मंत्री मा. ना. पाटीलसाहेब व आमदार नाईक यांनी केले. यावेळी अनेक मान्यवर मंडळी उपस्थित होती.