शिराळा,ता.१३: शिराळा येथील सोमवार पेठ या मुख्य बाजारपेठेतील विजय मोबाईल शॉपीची कौले काढून दुकानातील मधून अज्ञात चोरट्यानी ३० हजार रुपयांचे मोबाईल विविध मोबाईलचे साहित्य चोरून नेले.सदर घटना रविवार रात्री घडली.एक वर्षात हे दुकान तिसऱ्यांदा फोडले आहे.
याबाबत राजेंद्र रामलिंग कानकात्रे यांनी शिराळा पोलीस ठाण्यात फिर्याद दिली आहे.या दुकानाचे कौले काढून चोरी केली आहे. या दुकानातील दुरुस्ती साठी आलेले ४ मोबाईल,चार्जर,हेडफोन,बॅटरी आदी ३० हजार रुपयांचे साहित्य चोरून नेले आहे. तपास हवालदार कालिदास गावडे हे करीत आहेत.
गोपाळ कृष्ण पथ येथील हणमंत उर्फ बाबुराव वासुदेव जोशी यांचे बंद दरवाजाचे कुलूप तोडून लोखंडी कपाटातील तसेच इतर साहित्य विस्कटले मात्र घरात कोणी नसलेने नेमके काय चोरीस गेले याची माहिती समजू शकले नाही.पाडळी नाका येथील श्रावणी ब्युटी पार्लर चे कुलूप तोडले मात्र चोरीस काही गेले नाही.
0 Comments