घराच्या ओसरीत बिबट्याचा प्रवेश झाला अन्

 शिराळा:  मांगरुळ  (ता. शिराळा ) येथील धनगर समाज परिसराच्या हद्दलगत  तानाजी शिंदे यांचे राहते घर आहे. बुधवारी (ता.१४)  त्यांच्या घराच्या पाठीमागील बाजूस असणाऱ्या ओसरीत 'गावरान कोंबडी' पालनासाठी लाकडापासून तयार केलेल्या कोंबड्यांच्या कपाटावर रात्री अकरा वाजजा जोरजोराने काहीतरी आपटत असल्याचा आवाज येत होता. या वारंवार होणाऱ्या आवाजाने  शिंदे,त्यांच्या पत्नी संगिता, मुलगा प्रथमेश, मुलगी प्रिती अचानकपणे जागे झाले. त्यांनी ओसरीतील विद्युत बल्ब लावला.त्यावेळी  चक्क 'बिबट्या' कोंबड्यांच्या लाकडी कपाटात मोठ्याने पंजा मारत होता. हे दृश्य पाहून सर्वांच्या अंगाचा थरकाप उडाला. मात्र लाईटचा प्रकाश पडताच त्याने  गुरगुरत  धूम ठोकली. आणि सर्वांनी सुटकेचा श्वास टाकला.