बिबट्याच्या हल्ल्यात शेळी ठार

 शिराळा:भाटशिरगाव (ता.शिराळा) येथील सांगुळे वस्तीवर सुखदेव सांगुळे यांच्या चार महिन्याच्या गाभण शेळीवर बिबट्याने हल्ला करून ठार केले.

ही घटना बुधवारी सायंकाळी सहा वाजण्याच्या सुमारास घडली. डॉ वैभवकुमार राजमाने,वनविभागाचे संभाजी पाटील,  यांनी पंचनामा केला असून यावेळी पोलिस पाटील सचिन गुरव, शेळी मालक सुखदेव श्रीपती सांगुळे उपस्थित होते.या वस्तीवर अनेक वेळा पाळीव जनावरांच्यावर हल्ले झाले असून बिबट्याचा वनविभागाने बंदोबस्त करावा अशी मागणी होत आहे.