शिराळा , ता .३ : रेड ( ता.शिराळा ) येथील दिपक आनंदा पाटील ( वय ३८ ) या युवकाचा ट्रक आणि दुचाकीची धडक होऊन मृत्यू झाला . ट्रक चालक देवेंद्र माताप्पा शिंगणे रा . विनायकनगर , सांगली याच्यावर गुन्हा दाखल झाला आहे .
याबाबत जयसिंग राजाराम पाटील यांनी शिराळा पोलीस ठाण्यात वर्दी दिली आहे.ही घटना सकाळी साडे आठ वाजण्याच्या सुमारास घडली . याबाबत पोलीस ठाण्यातून मिळालेली माहिती अशी , दिपक हे त्यांच्या हिरो होन्डा शाईन ( एम एच -१० बी.यु .७७८८ ) या दुचाकीवरून पेठ नाका येथे जात असताना रेड गावच्या हद्दीतील मरळे वस्तीजवळ समोरून आलेल्या ट्रकला , ( एम.एच .१० झेड १३२७ ) धडकून गंभीर जखमी झाल्याने उपचारापूर्वीच मृत्यू झाला . निष्काळजीपणाने रस्त्याच्या परिस्थितीकडे दुर्लक्ष करून वाहन चालवल्यामुळे अपघात घडला आहे.असा आरोप चालकवर ठेवण्यात आला आहे.चौकशीसाठी ट्रक चालकाला ट्रकसहित ताब्यात घेतले आहे . त्याच्या पश्चात आई , वडील पत्नी आणि दोन लहान मुले असा परिवार आहे . पुढील तपास पोलीस हवालदार बी.जी. कुंभार करत आहेत .
0 Comments