शिराळा: समाजाने पुढे येवून विद्यार्थ्यांच्या शैक्षणिक गरजा पूर्ण केल्यास विद्यार्थी स्वयंपूर्ण होतील व शैक्षणिक दर्जा सुधारण्यास मदत होईल असे प्रतिपादन आरळा केंद्राच्या केंद्रप्रमुख मधुवंती धर्माधिकारी यांनी केले.त्या जिल्हा परिषद शाळा इनामवाडी आरळा येथे ग्रामप़चायत सदस्या सुनिता पाटील यांच्यामार्फत सर्वच विद्यार्थ्यांना शैक्षणिक साहित्य वह्या, पेन,पेन्सिल व खाऊ वाटून नवागताचे स्वागत कार्यक्रमात बोलत होत्या.यावेळी शैक्षणिक साहित्य वाटप करून कार्यक्रम मोठ्या उत्साहात पार पडला.यावेळी ग्रामपंचायत सदस्या सुनिता पाटील,मुख्याध्यापिका पुनम मसुटगे,शिक्षिका शुभांगी पवार,शितल पाटील सिद्धार्थनगर शाळेचे मुख्याध्यापक मोहन पवारआदी मान्यवर उपस्थित होते..यावेळी ग्रामपंचायत सदस्या पाटील म्हणाल्या की समाजातील तळागाळातील सर्व घटकांसाठी आपले देणे समजून सहकार्य करून विद्यार्थ्यांना शैक्षणिक साहित्य उपलब्ध करून दिले पाहिजे.यावेळी सन 2021/22या शैक्षणिक वर्षासाठी शाळेची शंभर टक्के पटनोंदणी पहिल्याच दिवशी उत्साहात झाली.या कार्यक्रमासाठी जयश्री चौगुले,विजया चव्हाण,सुरेखा चव्हाण आदी पालक व सर्व विद्यार्थी उपस्थित होते.कार्यक्रमाचे नियोजन व सूत्रसंचालन पुनम मसुटगे यांनी तर आभार शुभांगी पवार यांनी मानले.
0 Comments