शिराळा,आरोग्य यंत्रणेच्या सोबतीने समाजासाठी योगदान देण्यात वेगळेच समाधान मिळत असल्याचे प्रतिपादन इतिहास अभ्यासक एल,आय,सी, विकास अधिकारी राजेंद्र इथापे यांनी केले.
जागतिक अन्न सुरक्षा दिनानिमित्त शिराळा कोव्हिड सेंटर मध्ये राजेंद्र इथापे व स्वराज्य फाऊंडेशन यांच्याकडून रुग्णांना पौष्टिक आहार वाटप करण्यात आला. प्रहार संघटनेचे तालुकाध्यक्ष श्रीराम नांगरे प्रमुख उपस्थित होते.
राजेंद्र इथापे म्हणाले, समाजातील दानशूर मंडळींना एकत्र करून प्रेस क्लब ऑफ शिराळा व तालुका मराठी पत्रकार संघाचे वतीने सुरू असलेला पौष्टिक आहार वाटप कार्यक्रमामुळे या सामाजिक कार्यात आम्हाला सहभागी होता आले. सध्या सार्वजनिक क्षेत्राला अशा उपक्रमांची गरज आहे. तालुक्यामध्ये पुढाकार घेऊन पत्रकार बांधव सामाजिक हित जोपासत आहेत.
पौष्टिक आहार वाटप कार्यक्रमास डॉ. सौ.गायत्री यमगर, नेत्र चिकित्सा अधिकारी सौ सविता नलवडे, दिनेश हसबनीस, विनायक गायकवाड, डॉ. शिवाजीराव चौगुले, अजित महाजन प्रताप कदम, महेश बिळासकर, प्रितम निकम, विठ्ठल नलवडे, विकास शहा आदी मान्यवर उपस्थित होते.
0 Comments