शिराळा,ता.१: चिखली (ता. शिराळा) येथील विश्वासराव नाईक सहकारी साखर कारखान्याच्या गळीत हंगाम २०२०-२१ मध्ये गाळपासाठी आलेल्या ऊसाला दुसरा हप्ता प्रतिटन २५० रुपये प्रमाणे शेतकऱ्यांच्या खात्यावर पाठवला आहे, अशी माहिती अध्यक्ष, आमदार मानसिंगराव नाईक यांनी दिली.

आमदार नाईक म्हणाले, नैसर्गिक संकट व कोरोना संसर्गामुळे २०२०-२१ हंगामामध्ये अनेक अडचणी आल्या. त्यातूनही संचालक मंडळ, सभासद, ऊस उत्पादक शेतकरी, अधिकारी, कर्मचारी, तोडणी व वाहतूकदार यांच्या सहकार्याने हंगाम यशस्वी पार पडला. ५ लाख ८० हजार ८८३ टन ऊसाचे गाळप झाले. ६ लाख ६२ हजार १६० क्विंटल साखरेचे उत्पादन झाले. १२.६५ टक्के साखर उतारा मिळाला. हा हंगाम एकूण १२० दिवसांचा होता.

ते म्हणाले, कोरोना महामारीत म्हणावा तसा साखरेचा उठाव स्थानिक बाजारपेठेत झालेला नाही. गेल्या हंगामातील साखर शिल्लक राहिली आहे. केंद्र शासनाने ३ हजार ५०० साखरेची आधारभूत किंमत करावी. अन्यथा साखर उद्योग अडचणी वाढणार आहेत. साखरेच्या किमतीमध्ये येणाऱ्या अडचणी व भविष्याचा वेध घेऊन उसाच्या रसापासून इथेनॉल निर्मिती करण्याचा व सहवीज निर्मिती प्रकल्पाच्या क्षमतावाढीचा निर्णय संचालक मंडळाने घेतला आहे.

आमदार नाईक म्हणाले, सण २०२०-२१ हंगामामध्ये कारखाण्याने पहिली उचल प्रतिटन २ हजार ५०० प्रमाणे अदा केले आहेत. आता दुसऱ्या हप्त्यापोटी २५० रुपये शेतकऱ्यांच्या खात्यावर पाठवले आहेत. ते येत्या दोन दिवसांत प्रत्यक्ष खात्यावर वर्ग होतील. त्यानुसार २ हजार ७५० रुपये शेतकऱ्यांना अदा झाले आहेत.

यावेळी कारखाण्याचे उपाध्यक्ष, माजी आमदार बाबासाहेब पाटील-सरूडकर, युवा नेते विराज नाईक, संचालक मंडळ,कार्यकारी संचालक राम पाटील, सचिव सचिन पाटील यांच्यासह सर्व खातेप्रमुख उपस्थित होते.

न्यूयॉर्क फिल्म फेस्टिव्हल मध्ये नामांकन मिळालेल्या

लघुचित्रपटाची झलक

पहा टिम शिव न्यूजच्या विशेष बातम्या

👇

--------------------------------------------------------------------

शिराळा कृषी उत्पन्न बाजार

समिती येथे सुरू झाले 'शिव

भोजनालय'
घरगुती पद्धतीचे शाकाहारी व
मांसाहारी जेवण पार्सल मिळेल !
संपर्क-9552571493 कृषी
उत्पन्न बाजार समिती शिराळा.
मासिक मेंबरची सोय

*एकवेळ अवश्य भेट द्या !*