चांदोलीत अतिवृष्टी

 

शिराळा:चांदोली धरण परिसरात २४तासात ८५ मी.मी.पावसाची नोंद झाल्याने सलग दुसऱ्या दिवशी अतिवृष्टी झाली आहे.

गेले तीन दिवस शिराळा तालुक्यात पावसाची संततधार सुरू आहे.धरणाच्या पाणलोट क्षेत्रात मुसळधार पाऊस सुरू आहे.त्यामुळे धरणाच्या पाणी पातळीत वाढ होत आहे. वाकुर्डे बुद्रुक येथील करमजाई व  अंत्री बुद्रुक येथील मानकरवाडी हे दोन तलाव पूर्ण क्षमतेने भरल्याने पाणी सांडव्यातून बाहेर पडले आहे. पावसाची संततधार सुरू असल्याने वारणेचे पाणी पत्राबाहेर आहे.