शिराळा (प्रतिनिधी) : कोरोना संसर्ग झालेल्या रुणांची गैरसोय टाळण्यासाठी शिराळा उप जिल्हा रुग्णालयास २५ खाटा व त्याला लागणारे साहित्य सुपूर्द केले आहे, अशी प्रतिपादन आमदार मानसिंगराव नाईक यांनी केले.

चिखली (ता. शिराळा) येथील त्यांच्या निवासस्थानी उप जिल्हा रुग्णालयास साहित्य प्रदान कार्यक्रमानंतर ते बोलत होते. तहसीलदार गणेश शिंदे प्रमुख उपस्थित होते.

आमदार नाईक म्हणाले, मी जाहिर केल्याप्रमाणे शिराळा उप जिल्हा रुग्णालयास २५ बेडचे (खाट, गादी, उशा, चादरी, बेडशीट इत्यादी) साहित्य दिले आहे. वाढता कोरोना विषाणूचा प्रादुर्भाव व रुग्णांची संख्या विचारात घेऊन रुग्णाच्या सोयीसाठी हे साहित्य मी स्वतः रुग्णालयास पुरविले आहे. या सर्व २५ बेडला ऑक्सिजनची व्यवस्था केली आहे. त्यामुळे आता शिराळा उप जिल्हा रुग्णालयात ऑक्सिजनच्या बेडची संख्या १०० होणार आहे. रुग्णांची गैरसोय होणार नाही. नागरिकांनी आपली व आपल्या कुटूंबातील सर्व सदस्यांच्या आरोग्याची काळजी घ्यावी. मास्क, सॅनिटायझरचा वापर करावा. विनाकारण घराबाहेर पडू नये. राज्य सरकार, आरोग्य, नगरपंचायत, ग्रामपंचायत, पोलीस प्रशासनास सहकार्य करावे. दिलेल्या सूचनांचे पालन करा.

प्रारंभी आमदार नाईक यांनी खाट, गादी, उशा, चादरी, बेडशीट इत्यादी २५ बेड साठीचे साहित्य शिराळा उप जिल्हा रुग्णालयाचे वैद्यकीय अधीक्षक डॉ. जुबेर मोमीन यांच्याकडे सुपूर्द केले. यावेळी गट विकास अधिकारी डॉ. अनिल बागल, 'प्रचिती' संस्थेचे अध्यक्ष राजेंद्रसिंह नाईक, डॉ. अनिरुध्द काकडे, महेश जाधव उपस्थित होते.

पहा न्यूयॉर्क फिल्म फेस्टिव्हल मध्ये नामांकन मिळालेल्या

ख्वाईश लघुचित्रपटाची झलक

पहा टिम शिव न्यूजच्या विशेष बातम्या

👇

--------------------------------------------------------------------

शिराळा कृषी उत्पन्न बाजार

समिती येथे सुरू झाले 'शिव

भोजनालय'

घरगुती पद्धतीचे शाकाहारी व

मांसाहारी जेवण पार्सल मिळेल !

संपर्क-9552571493 कृषी

उत्पन्न बाजार समिती शिराळा.

मासिक मेंबरची सोय

*एकवेळ अवश्य भेट द्या !*