बिळाशी: बिळाशी दुरंदेवाडी तालुका शिराळा येथील राॅकेलच्या दिव्यावर अभ्यास करणा-या मुलांच्या घरी ग्रामीण कथाकार, साहित्यिक बाबासाहेब परीट यांनी वडील अण्णा परीट यांच्या वाढदिवसानिमित्त स्वखर्चाने वीज जोडणी करून दिली.सदरच्या घरातील मुले राॅकेलच्या दिव्यावर व डांबाखालील उजेडात अभ्यास करत होती.अचानक घरी वीजजोडणी केल्यामुळे मुलांच्या व घरातील सर्वांच्याच चेहर्‍यावर आनंद ओसंडून वाहत होता...

याबाबतची माहिती अशी की सुनंदा दगडू खोत या रोजंदारी करून पोट भरतात.त्यांच्या घरी अद्यापही लाईट नव्हती.एक मुलगी दहावीत शिकत आहे तर दुसरी नववीत व मुलगा सातवीत आहे. परिस्थिती अत्यंत गरिबीची असलेने आणि कागदपत्रांची जंत्री होत नसलेने त्यांना वीज घेणे जमलेच नाही.याबाबत दखल अण्णा परीट यांनी घेतली.त्या मुलांच्या घरी वीज जोडण्यासाठी प्रयत्न कर असे मुलगा ग्रामीण कथाकार बाबासाहेब परीट यांना सूचना केली. याबाबत कागदपत्रांची पूर्तता करण्यासाठी प्रयत्न करुन अनामत रक्कम भरून फिटींगचा सर्व खर्च परीट यांनी केला. कोरोणाच्या काळातही स्टॅम्प व अॅफिडेविट करण्यासाठी त्यांनी स्वतः प्रयत्न केला.अखेर काल सायंकाळी पाच वाजता सत्तर वर्षांच्या प्रतिक्षेनंतर त्या घरी वीज आली.दिव्यावर अभ्यास करणाऱ्या त्या मुलांच्या चेहर्यावर आनंद झळकला. दहावीत शिकणारी धनश्री खोत म्हणाली, खूप अभ्यास करून मला काही तरी बनायचं आहे. माझ्या जन्मानंतर पहिल्यांदा घरात वीज आल्यामुळे मला खूप आनंद झाला आहे. रॉकेल मिळत नव्हतं गोडेतेलाच्या दिव्यावर मी अभ्यास करत होते. आज आम्हा सर्वांना खूप आनंद झाला आहे.

ग्रामीण कथाकार बाबासाहेब परीट म्हणाले, दरवर्षी गरीब होतकरू विद्यार्थ्यांना शालेय साहित्याचे वाटप करून मदत करतोच.पण वडीलांच्या वाढदिवसाच्या निमित्ताने शिकणार्या मुलांसाठी वीज देण्याची वडिलांची इच्छा आनंद देणारी आहे.मुलांच्या भविष्यासाठी वडिलांच्या वाढदिवसाची भेट म्हणून केलेली वीज जोडणीची भेट खूप महत्त्वाची आहे.

अतिशय प्रतिकूल परिस्थितीत सुनंदा दगडू खोत या मुलांना शिकवण्यासाठी आग्रही आहेत. त्या म्हणाल्या,आमचा उभा जन्म अंधारात गेला पण आज लाईट आल्याचं समाधान आहे.

वीज जोडणी लवकर व्हावी यासाठी वीज वितरण कंपनीचे वायरमन योगेश पाटील, अभिषेक शेणवी व विकास यादव (कोकरूड),बी.डी.रोकडे यांनी तातडीने फिटींग करून दिले.बिळाशीचे उपसरपंच दत्तात्रय मगदूम यांनी तातडीने टेस्ट रिपोर्ट दिला,कुसाईवाडी ग्रामसेवक सचिन पाटील यांनी सहकार्य केले.

न्यूयॉर्क फिल्म फेस्टिव्हल मध्ये नामांकन मिळालेल्या

लघुचित्रपटाची झलक

पहा टिम शिव न्यूजच्या विशेष बातम्या

👇

--------------------------------------------------------------------

शिराळा कृषी उत्पन्न बाजार

समिती येथे सुरू झाले 'शिव

भोजनालय'
घरगुती पद्धतीचे शाकाहारी व
मांसाहारी जेवण पार्सल मिळेल !
संपर्क-9552571493 कृषी
उत्पन्न बाजार समिती शिराळा.
मासिक मेंबरची सोय

*एकवेळ अवश्य भेट द्या !*