इस्लामपूर(गौतमी शिकलगार):

रेठरे धरणच्या माळावर रामचंद्र सर्जेराव समिंद्रे व कृष्णात सर्जेराव समिंद्रे यांच्या छप्पर व गवताच्या गंजीस दुपारी एकच्या सुमारास आग लागून त्यात नऊ महिन्याची गाभण असलेली गाय, म्हैस, रेडी मृत्युमुखी पडली तर रेडकू व बैल गंभीर जखमी झाले आहेत. या आगीत सुमारे तीन लाख रुपयांचे नुकसान झाले आहे.

रामचंद्र समिंद्रे व कृष्णात समिंद्रे यांची डोंगर पायथ्याशी शेतजमीन व जनावरांची वस्ती आहे. दुपारी साडे बारा वाजता घरातील लोक वस्तीवरील कामे उरकून गावात घरी गेली होती. दुपारी दोन वाजण्याच्या सुमारास छप्पर व गवताच्या गंजीस आग लागल्याचे समजले. त्यावेळी समिंद्रे कुटुंब व गावातील युवकांनी घटनास्थळी धाव घेतली. तोपर्यंत छप्पर व दोन गवताच्या गंज्या, जळण जळून खाक झाले.

येथील अमर तरुण गणेश मंडळातील युवक व ग्रामस्थांनी आग आटोक्यात आणण्याचा प्रयत्न केला पण प्रयत्न निष्फळ ठरला. ज्यावेळी आग लागली त्यावेळी कोणीच नसल्याने छपरात अडकलेल्या गाय ,म्हैस ,दोन रेड्या व बैला आगीत होरपळून गेले. त्यात नऊ महिन्याची गाभण असलेली गाय, म्हैस, रेडी मृत्युमुखी पडली तर रेडकू व बैल गंभीर जखमी झाले आहेत.

समिंद्रे कुटुंबावर पुनः काळाचा घाला
गतवर्षी याच ठिकाणी आग लागून याच कुटुंबाचे दोन बैल मृत्युमुखी पडले होते. आता पुनः तीन जनावरांचा मृत्यू झाल्याने या कुटुंबावर पुन्हा दुःखाचा डोंगर कोसळला आहे.

शिव न्यूज युट्यूब चॅनेलवर पहा बातम्या

शिराळा कृषी उत्पन्न बाजार

समिती येथे सुरू झाले 'शिव

भोजनालय'

घरगुती पद्धतीचे शाकाहारी व

मांसाहारी जेवण पार्सल मिळेल !

संपर्क-9552571493 कृषी

उत्पन्न बाजार समिती शिराळा.

मासिक मेंबरची सोय

*एकवेळ अवश्य भेट द्या !*