शिराळा,ता.९: गावच्या मातीत झालेला सत्कार हा आम्हाला देश व लोकसेवा करताना सतत प्रेरणा देत राहील असे प्रतिपादन पोलीस उपनिरीक्षक अमृता पाटील यांनी केले.

कापरी( ता.शिराळा) येथे ग्रामपंचायत, कापरी विकास सोसायटी, जनाईदेवी विकास सोसायटी व ग्रामस्थ यांच्या वतीने गावातील विविध क्षेत्रात यश मिळविलेल्या गुणवंतांच्या सत्कार समारंभ प्रसंगी बोलत होत्या.

प्रारंभी पोलिस उपनिरीक्षक पदी नियुक्ती झालेली कु.अमृता जयसिंग पाटील, भारतीय सेना दलात नर्सिंग असिस्टंट पदी नियुक्ती झालेला कु.अविराज बाबुराव पाटील, कृषी विभाग महाराष्ट्र शासन यांच्या मार्फत आयोजित रब्बी पिक स्पर्धेत रब्बी ज्वारी पिक उत्पादनात शिराळा तालुक्यात द्वितीय क्रमांक मिळविल्याबद्दल श्री. सर्जेराव रामचंद्र पाटील यांचा सत्कार करण्यात आला.

आम्ही कामातून गाव व देशाचे नाव उंचावेल असेच काम करू. आपल्या परिसरातील मुलांनी विविध क्षेत्रात यश संपादन करावे. त्यांना लागणारे मार्गदर्शन व मदत करू असे मत सत्कार मूर्तींनी व्यक्त केले.

प्रास्ताविक प्रा.बाजीराव पाटील यांनी केले.या कार्यक्रमास सरपंच मोहन पाटील, उपसरपंच, ग्रामपंचायत सदस्य, सेवा सोसायटी चेअरमन, व्हा.चेअरमन ,संचालक व ग्रामस्थ उपस्थित होते. आभार कु. प्रसाद पाटील यांनी मानले.

--------

शिराळा कृषी उत्पन्न बाजार

समिती येथे सुरू झाले 'शिव

भोजनालय'

घरगुती पद्धतीचे शाकाहारी व

मांसाहारी जेवण पार्सल मिळेल !

संपर्क-9552571493 कृषी

उत्पन्न बाजार समिती शिराळा.

मासिक मेंबरची सोय

*एकवेळ अवश्य भेट द्या !*