शिराळा: औंढी (ता.शिराळा) येथे दोन गाड्यांच्या समोरासमोर झालेल्या धडकेत पाच जण जखमी झाले. होंडा सिटीच्या चालकाने अपघातानंतर पलायन केले असून त्या गाडीत जिलेटिन कांड्या सापडल्याने अज्ञाता विरोधात अपघात व स्फोटके बाळगल्या प्रकरणी असे दोन गुन्हे दाखल झाले आहेत.

याबाबत बबन बाळू पाटील यांनी शिराळा पोलीस ठाण्यात वर्दी दिली आहे. पोलिसातून मिळालेली अधिक माहिती अशी, करमाळे येथील महिंद्रा कमांडर गाडी नंबर( एम एच ०४ क्यु ५९१८ ) मधून बबन पाटील व त्यांचे सहकारी शेतीस खत आणण्यासाठी शिराळा येथे निघाले होते.

त्यावेळी समोरून भरधाव वेगाने येणाऱ्या होंडा सीटी (एम एच ०१ वाय. ए. २४४९) ने कमांडर गाडीला जोराची घटक दिल्याने जीप गाडी रस्त्याचे डावे बाजुला पल्टी झाली. यामध्ये बबन पाटील, हणमंत मोहिते, राजाराम कदम, भानुसाद माने, भगवान माने जखमी झाले. पुढील तपास सहायक पोलिस फौजदार कुमार वायदंडे करत आहेत.

होंडा सीटीचा चालक पळून गेल्याने पोलिसांनी गाडीची तपासणी केली असता त्यात जिलेटींच्या तीन कांड्या सापडल्या. याबाबत पोलीस हवालदार भाऊसाहेब कुंभार यांनी फिर्याद दिली असून क तपास पोलीस उपनिरीक्षक अविनाश वाडेकर करत आहेत.

--------

शिराळा कृषी उत्पन्न बाजार

समिती येथे सुरू झाले 'शिव

भोजनालय'

घरगुती पद्धतीचे शाकाहारी व

मांसाहारी जेवण पार्सल मिळेल !

संपर्क-9552571493 कृषी

उत्पन्न बाजार समिती शिराळा.

मासिक मेंबरची सोय

*एकवेळ अवश्य भेट द्या !*