शिराळा : भटवाडी ( ता.शिराळा ) या गावाला सुरुल ( ता . वाळवा ) येथील तलावातून पिण्याच्या पाण्याचा पुरवठा केला जातो . या तलावाचे बॅकवॉटर करमाळे व भटवाडी ( ता . शिराळा ) हद्दीत येते तर बंधारा सुरूल ( ता . वाळवा ) हद्दीमध्ये आहे . सध्या उन्हाची तीव्रता वाढत असल्याने मे महिन्यात पाणी कमी पडणार आहे.त्यामुळे भटवाडीचे सरपंच विजय महाडिक यांनी तहसीलदार गणेश शिंदे व वाळवा तहसीलदार रवींद्र सबनीस यांना भविष्यातील पाणी टंचाईबाबत सुरूल तलावातून पुरेसा पाणी पुरवठा कसा करता येईल याबाबत प्रत्यक्ष भेटून पत्र व निवेदनाद्वारे कळविले होते . त्यानुसार तहसीलदारांन सरपंच विजय महाडिक व इतर पदाधिकारी यांच्या समवेत सुरुल तलावास भेट दिली . या भेटी दरम्यान तलावाच्या ठिकाणी विनापरवाना पाणी उपसा करणारे जवळपास ८ पाणी उपसा पंप दिसून आले . हे विनापरवाना पाणी उपसा पंप वेळीच बंद केले नाही तर भटवाडी गावाला भविष्यात पाणीपुरवठा करण्यास अडचणी येतील . त्यामुळे तहसीलदार गणेश शिंदे यांनी सुरुल तलावातील विनापरवाना सुरु असलेल्या पाणी उपसा पंप मालकांच्यावर कायदेशीर कारवाई करून पाणी उपसा पंप जप्त करावेत व तेथील विद्युत कनेक्शन बंद करावे असे वाळवा तालुक्यातील संबंधित अधिकाऱ्यांना सांगितले .

संबंधित तलाव वाळवा तालुका हद्दीत येत असल्यामुळे बेकायदा पाणी उपसा करणाऱ्या पंप मालकांच्या वर कारवाई करण्यासाठी वाळवा तालुक्यातील संबंधित विभागाच्या अधिकाऱ्यांशी चर्चा झाली आहे . त्यानुसार त्यांच्यावर लवकरच कारवाई होईल .
गणेश शिंदे , तहसीलदार शिराळा .

शिराळा कृषी उत्पन्न बाजार

समिती येथे सुरू झाले 'शिव

भोजनालय'

घरगुती पद्धतीचे शाकाहारी व

मांसाहारी जेवण पार्सल मिळेल !

संपर्क-9552571493 कृषी

उत्पन्न बाजार समिती शिराळा.

मासिक मेंबरची सोय

*एकवेळ अवश्य भेट द्या !*