शिराळा,ता.११: उन्हाळ्यात पिण्याच्या पाण्याविना कोणत्याही गावचे अथवा वाडी, वस्तीचे हाल होणार नाहीत याची दक्षता घ्यावी, आशा सूचना आमदार मानसिंगराव नाईक यांनी दिल्या.

येथील तहसीलदार कार्यालयात झालेल्या पाणीटंचाई आढावा बैठकीत ते बोलत होते. शिराळ्याचे प्रांताधिकारी ओंकार देशमुख, तहसीलदार गणेश शिंदे व युवा नेते विराज नाईक प्रमुख उपस्थितीत होते.

नाईक म्हणाले, शिराळा तालुका डोंगराळ व दुर्गम असल्याने उन्हाळ्यात काही गावांना पाणीटंचाईच्या झळा बसतात. ही गावे विशेषतः डोंगरमाथ्यावरील आहेत. त्यामध्ये सोनवडे पैकी काळोखेवाडी व जळकेवाडी, रांजणवाडी, बेंगडेवाडी, शिंदेवाडी, चिंचेवाडी, खराळे, वाकाईवाडी, आरळा पैकी बेरडेवाडी व येसलेवाडी, खेड, बेलदारवाडी, गुंडगेवाडी-करुंगली या गावांचा सामावेश आहे. प्रशासनाने पाणी टंचाईचे नियोजन करताना येथे पाण्याचा स्तोत्र उपलबद्ध आहे तेथे कूपनलिका घ्याव्यात. ज्याठिकाणी विहिरींना पाणी उपलब्ध आहे त्या अधिग्रहण कराव्यात. जेथे कोणताच स्त्रोत उपलब्ध नाही तेथे टँकरने पाणीपुरवठा करावा. जेणेकरून नागरिकांचे पाण्याविना हाल होणार नाहीत याची संपुर्णपणे खबरदारी घ्यावी.

तहसीलदार गणेश शिंदे यांनी स्वागत करून टंचाई जाणवणारी गावांचा आढावा सांगितला. येथे करण्यात येणाऱ्या उपाययोजनांची माहिती दिली. आमदार नाईक यांनी प्रत्येक गावाची ग्रामसेवकाकडून सद्यस्थितीची माहिती घेतली. त्यावरून कांही मार्गदर्शक सूचना दिल्या.

या बैठकीला गटविकास अधिकारी डॉ. अनिल बागल, पंचायत समितीचे उपअभियंता बाहुबली हुकिरे, सर्व गावचे ग्रामसेवक उपस्थित होते.

--------

शिराळा कृषी उत्पन्न बाजार

समिती येथे सुरू झाले 'शिव

भोजनालय'

घरगुती पद्धतीचे शाकाहारी व

मांसाहारी जेवण पार्सल मिळेल !

संपर्क-9552571493 कृषी

उत्पन्न बाजार समिती शिराळा.

मासिक मेंबरची सोय

*एकवेळ अवश्य भेट द्या !*