शिराळा: कार्यकर्त्यांनी आप आपसातील वैयक्तिक मतभेद बाजूला सारून समाजातील सर्वसामान्य गोर गरीब लोकांची कामे करण्यासाठी पुढे यावे संघटना बळकट झाली पाहिजे यासाठी प्रयत्न करावेत.असे आवाहन जिल्हा परिषदेचे माजी उपाध्यक्ष, भाजप नेते सत्यजित देशमुख यांनी केले.

चरण (ता.शिराळा) येथील स्वरूप गल्ली येथील रस्ता कामाच्या शुभारंभ प्रसंगी बोलताना केले.

प्रारंभी "निनाई'चे माजी जेष्ठ संचालक बाबूराव नेर्लेकर यांच्या हस्ते रस्ता कामाचा शुभारंभ करण्यात आला.स्वागत व प्रास्ताविक सरपंच मिलींद कांबळे यांच्या हस्ते करण्यात आले.

यावेळी बोलताना सत्यजित देशमुख म्हणाले - अनेक वर्षी पासून आपण समाज कारण व राजकारण करत आलो आहे. यामध्ये अनेक वेळा आपणास यश आले काही वेळा अपयश आले. परंतु कायम लोकांसाठी काम करत राहायचं अशी शिकवण आले दैवत स्व. शिवाजीराव देशमुख साहेब यांनी घालून दिली आहे. आपल्या विचाराने प्रेरित होऊन अनेक लोकांचा आज ही आपणाला मोठे पाठबळ आहे. परंतु कार्यकर्ते मध्ये असणारे हेवेदावे यामुळे संघटना वाढीच्या दृष्टीने हानीकारक ठरू शकते त्यामुळे प्रत्येकाने आप-आपसातील मतभेद बाजूला ठेवलेत. चरण गावामध्ये अनेक विकासात्मक कामे आपण केली आहेत. वारणा नदी वरील चरण - सोडोली पुलाची मागणी आपण पूर्णत्वास आणली त्याचा फायदा या गावाला व परिसराला झाला आहे. बाजार पेठ वाढीसाठी मदत झाली आहे. गावातील विकासकामे मार्गी लावण्यासाठी कटिबद्ध असल्याचे देशमुख यांनी यावेळी सांगितले.

यावेळी माजी जि. प.सदस्य बी.डी. नायकवडी,सरपंच मिलींद घोलप,उपसरपंच महमंद नायकवडी,राजाराम नायकवडी,दगडू नायकवडी,कोंडीबा नायकवडी,निवृत्ती नायकवडी,दीपक नेर्लेकर, ज्ञानदेव कंदूरकर,सर्जेराव शिंदे,रामचंद्र नायकवडी,यशवंत नायकवडी,संभाजी कारंडे,आनंद कारंडे,आदी प्रमुख कार्यकर्ते उपस्थित होते.आभार दिपक नेर्लेकर यांनी मानले.

--------