शिव न्यूज युट्युब चॅनेलवर पहा बातम्या

शिराळा, ता.१३: शिराळा तालुक्यातील पुनवत,भटवाडी, वाकुर्डे खुर्द, खेड या चार गावातील गुढीपाडव्यानिमित्त असणाऱ्या यात्रा यंदा कोरोनामुळे रद्द करण्यात आल्या आहेत. गुढीपाडव्यावर सलग दुसऱ्या वर्षी संकट आले असले तरी घरोघरी साधेपणाने पण उत्साहात सण साजरा करण्यात आला.

पुनवत येथे जांभळाईदेवी, खेड व भटवाडी येथे भैरवनाथ, वाकुर्डे खुर्द येथे वाकेश्वराची यात्रा प्रतिवर्षी गुढीपाडव्याच्या दिवशी असते. ही यात्रा दोन दिवसांची असून गुढीपाडवा हा यात्रेचा मुख्य दिवस असतो. मात्र कोरोनामुळे सलग दोन वर्षे यात्रा रद्द करण्यात-आल्या आहेत.खेड येथे करमाळे, भटवाडी, औंढी,बेलदारवाडी या चार ठिकाणाहून सासन काठ्या येतात. तर शिराळा, रेड,भटवाडी,औंढी, करमाळे, बेलदारवाडी या गावातून लोक भैरवनाथ दर्शनासाठी जातात. शिराळा येथून हिरवडेकर,खबाले, नलवडे या भावकीतून बैलगाडी घेऊन लोक खेड यात्रेला जातात.पण कोरोनामुळे यात्रा रद्द करण्यात आल्या आहेत. त्यामुळे लोकांनी अगदी मोजक्याच लोकांच्या उपस्थितीत देवाची पूजा उरकून घेतली.

शिराळा, मांगले,सागाव,कोकरूड,शेडगेवाडी, चरण, आरळा, मणदूर, येळापुर,वाकुर्डे,अंत्री,बांबवडे, टाकवे,प.त.शिराळा,शिरशी,गिरजवडे, धामवडे या मोठ्या गावात शांततेत पाडवा साजरा करण्यात आला.

--------

शिराळा कृषी उत्पन्न बाजार

समिती येथे सुरू झाले 'शिव

भोजनालय'

घरगुती पद्धतीचे शाकाहारी व

मांसाहारी जेवण पार्सल मिळेल !

संपर्क-9552571493 कृषी

उत्पन्न बाजार समिती शिराळा.

मासिक मेंबरची सोय

*एकवेळ अवश्य भेट द्या !*