शिराळा:वाटेगाव (ता.वाळवा) येथील वाटेश्वर मंदिरातील पिंडीवर सूर्याच्या किरणाचा किरणोत्सव झाला.

श्री वाटेश्वर मंदिरामध्ये दरवर्षीच्या माघ-फाल्गुन महिन्यामध्ये दुर्गाष्टमी ते पौर्णिमापर्यत सकाळी सुर्योदयापासून सुर्यकिरणे थेट गाभाऱ्यातील शिवलिंगावर पडतात,,गाभाऱ्यातील शिवलिंगावर हे सुर्यकिरण जवळपास १५ ते २० मिनिटे असे रोज पाच हा किरणोत्सव सोहळा उत्साहात पार पडतो,

वाळवा तालुक्यातील भोगावती तिरावर वसलेले वाटेगांव हे ऋषी परंपरेचे गाव, या गावी हटयोगी वटेशांच्या शिवभक्ती साधनेने निर्माण झालेले लिंग म्हणजेच हे "श्री वाटेश्वर" शिवलिंग,पुराणकाळातील कथेप्रमाणे हटयोगी वटेश ऋषी ध्यान साधनेसाठी त्रिकाल वाळूचे शिवलिंग तयार करुन पुजा करत असत. शिवलिंगाच्या साळुंखी आकारासाठी वाटीचा उपयोग केला जात असे. त्या शिवलिंगावर रुद्राभिषेक करुन पुजा केली जात असे, हेच शिवलिंग कालांतराने श्री वाटेश्वर पिंडी या नावाने प्रसिद्धीस आले. श्री वाटेश्वर मंदिर पंचक्रोशीत प्रसिद्ध आहे. हटयोगी वटेश यांच्याभस्मसिद्धीतून, चौदाशे वर्षे जगलेल्या योगी चांगदेवांचा जन्म झाला.या मंदिराच्या परिसरामध्ये उत्तरेला योगी वटेशांचे संजीवन समाधीस्थळ आहे.हे समाधीस्थळ दंडक अरण्यामध्ये दक्षिण भारत आणि उत्तर भारत तीर्थयात्रेच्या वाटेवर येते.वाटेगांवमध्ये जवळपास ४० ते ४५ मंदिरे आहेत. या मंदिराची रचना अंत्यत सुभक व कल्पक असल्यामुळे प्रथेप्रमाणे दर माघ-फाल्गुन महिन्यातील दुर्गाष्टमीलाच हा किरणोत्सवाचा योग भाविकांना घेता येतो, ईतर वेळी कधी किरणोत्सवाचे दर्शन घडत नाही, हा ही मोठा योगायोग आहे.दरवर्षी भाविक किरणोत्सव पाहण्यास गर्दी करतात.या पंरपरेची प्रथा आजही वाटेगांव मधील श्री वाटेश्वर मंदिरात पाहिला मिळते.या श्री वाटेश्वर मंदिराची यात्रा, त्रिपुरी कार्तिक पौर्णिमेला मोठया उत्साहात पार पडते. या संजिवन इतिहासामुळे दक्षिणेकडील भोगावती किनारी वसलेले वाटेगाव येथील हे ठिकाण"श्री क्षेत्र वाटेश्वर" म्हणून उदयास आलेले आहे.

----------------