चिखली (ता.शिराळा) येथे कारखान्याच्या गळीत हंगाम प्रसंगी बोलताना कारखान्याचे अध्यक्ष आमदार मानसिंगराव नाईक सोबत उपाध्यक्ष बाबासाहेब पाटील, विराज नाईक व सर्व संचालक

शिराळा: विश्वास कारखान्यात रसा पासून इथेनॉल निर्मिती बरोबर सह वीजनिर्मिती प्रकल्पात आणखी पाच मेगावॅट विद्युत निर्मिती करणार असल्याचे प्रतिपादन कारखान्याचे अध्यक्ष आमदार मानसिंगराव नाईक यांनी केले.

चिखली (ता.शिराळा) येथे विश्वासराव नाईक सहकारी साखर कारखान्याचा सन २०२०-२१ च्या गळीत हंगाम सांगता समारंभ प्रसंगी बोलत होते.

यावेळी नाईक म्हणाले, मागणी अभावी देशांतर्गत खुल्या बाजारात साखर विक्री करता आली नाही.मात्र एक लाख ७५ हजार पोती कच्ची साखर निर्यात केली आहे.यावर्षी गतवर्षीच्या तुलनेत ७० हजार टन जादा उसाचे गाळप झाले असून २५ दिवस ज्यादा कारखाना सुरू राहील. कोरोनाच्या काळाततील अडचणी असताना ही या वर्षी साखर उत्पादन समाधानकारक आहे. पाच लाख ८० हजार ८४३. ५२० मे.टन ऊसाचे गाळप झाले असून साखर उतारा १२.६५ आहे.सध्या कारखान्याच्या सहवीज निर्मिती प्रकल्पात १५ मेगावॅट वीज निर्मिती होत असून आणखी पाच मेगावॅट अशी एकूण २० मेगावॅट विद्युत निर्मिती होईल.

युवा नेते विराज नाईक यांच्या हस्ते सत्यनारायण पूजा झाली. यावेळी ६ लाख ६२ हजार १६० व्या साखर पोत्याचे पूजन आमदार मानसिंगराव नाईक, उपाध्यक्ष माजी आमदार बाबासाहेब पाटील व सर्व संचालक यांच्या उपस्थितीत झाले. या वेळी सेवानिवृत्त कर्मचारी, सर्वाधिक ऊस पुरवठादर व वाहतूकदार , सरपंच व उपसरपंचपदी निवड झालेले कर्मचारी यांचा सत्कार संपन्न झाला.

यावेळी विराज नाईक, संचालक दिनकरराव पाटील, विजयराव नलवडे, हंबीरराव पाटील, विश्वास कदम, बाळासाहेब पाटील, मानसिंग पाटील, विष्णू पाटील, सुरेश पाटील, बाबुराव नांगरे, विश्वास पाटील, शिवाजी पाटील, संभाजी पाटील, यशवंत दळवी, बिरुदेव आमरे, शामराव मोहिते, कार्यकारी संचालक राम पाटील, सचिव सचिन पाटील, जनरल मॅनेजर युवराज गायकवाड,टी.एम.साळुंखे, विजयराव देशमुख, दत्तात्रय पाटील, विजय पाटील उपस्थित होते.

---------------