शिराळा: शिराळा येथील गॅस वितरक महाजन कन्सर्न्स यांना सन २०१९-२०२०या सालाकरीत दोन पुरस्कार देण्यात आले. या व्यवसायास आत्ता पर्यंत उत्कृष्ट कामासाठी तब्बल २९ पुरस्कार प्राप्त झाले आहेत.

हिन्दूस्थान पेट्रोलीयम कार्पोशन लि चे गॅस वितरक महाजन कन्सर्न्स हे गेली १८ वर्ष शिराळा पूर्ण तालुका, वाळवा व शाहुवाडी तालुक्यांतील कांही गावात गॅस वितरण करत आहेत. ग्राहकांना सेवा देण्या बरोबर सामाजिक कार्यात नेहमीअग्रेसर असतात. याबाबत बोलताना सौ. सुखदा महाजन म्हणाल्या की आम्हीसुद्धा समाजाचा घटक आहे. ग्राहक आणि समाज आहे म्हणून आमचे अस्तित्व आहे याची जाणिव आहे.यामुळे आम्हाला जो नफा मिळतो त्यातील कांही भाग आम्ही समाजासाठी खर्च करतो करत असतो.आरोग्य शिबीर, कर्मचारी तपासणी, इंधन बचत पंधरावडा, निबंध स्पर्धा असे डझनभर कार्यक्रम वर्षभर राबवत असतो. हे करत असताना आमचे कर्मचारी ग्राहकांना चांगल्यात चांगली सेवा देण्यासाठी प्रयत्न करत असतात. याची दखल घेऊन हिन्दुस्थान पेट्रोलीयम कार्पोशन लि सोलापूर विभाग यांनी महाजन कन्सर्न्स ला नवीन कनेक्शन व डोमॅस्टीक सिलेंडर चा सर्वाधिक विक्री केल्याबद्दल बद्दल पुरस्कार दिले. हा कार्यक्रम नळदुर्ग जिल्हा उस्मानाबाद येथील युनिवंडर रिसॅार्ट येथे पार पडला.महाजन कन्सर्न्स च्या सौ. सुखदा महाजन व सुमंत महाजन यांना कंपनीचे सोलापूर विभागाचे वरिष्ठ विभागीय व्यवस्थापक गजेंद्र सुनहरे यांच्या हस्ते सन्मानचिन्ह देऊन गौरवण्यात आले. यावेळी सांगली विक्री विभागाचे वरीष्ठ विक्री अधिकारी राहुल पाटील, सोलापूर विभागाचे शरद गडवाल, नांदेड विक्री विभागाचे अधिकारी कौशल खंडेवाल, अभय कोचर इत्यादी अधिकारी व सात जिल्ह्यातील वितरक उपस्थित होते . गजेंद्र सुनहरे, राहुल पाटील यांनी मार्गदर्शन केले . स्वागत फेडरेशन चे महेंद्र खंडागळे प्रास्ताविक पारस नागडा यांनी केले तर आभार फेडरेशनच्या उपाध्यक्षा सौ.सुखदा महाजन यांनी मानले.

--------------------------