शिराळा येथे मातोश्री हिराई देशमुख इन्स्टिट्यूटमध्ये बी.एस.सी नर्सिंग विद्यार्थ्यांच्या स्वागत समारंभ प्रसंगी सत्यजीत देशमुख.

शिराळा: येथील नर्सिंग कॉलेज मुळे डोंगरी व ग्रामीण भागांमध्ये राहणाऱ्या विद्यार्थ्यांची सोय होणार आहे. या शिक्षण संकुलामध्ये दर्जेदार शिक्षण घेऊन चांगले विद्यार्थी घडतील असे प्रतिपादन निनाईदेवी शिक्षण प्रसारक मंडळाचे अध्यक्ष सत्यजित देशमुख यांनी केले.

शिराळा येथे श्री शिवाजीराव देशमुख शिक्षण संकुल मध्ये नव्याने सुरू करण्यात आलेल्या मातोश्री हिराई देशमुख इन्स्टिट्यूट बी.एससी नर्सिंग विद्यार्थ्यांच्या स्वागत समारंभ प्रसंगी ते बोलत होते.

यावेळी बोलताना सत्यजित देशमुख म्हणाले :- ग्रामीण भागामध्ये शिक्षणाचे नवनवीन कोर्सेस सुरू करण्याचा दृष्टीने या शिक्षण संस्थेची वाटचाल सुरू आहे. नर्सिंग कोर्स च्या माध्यमातून या विभागातील विद्यार्थ्यांना वैद्यकीय क्षेत्रामध्ये कामगिरी करता येणार आहे. विद्यार्थ्यांनी शिक्षणाचा फायदा घेऊन स्वतःच्या पायावर उभा राहिले पाहिजे. दिवसेंदिवस वाढत चाललेली रोगराई त्याच्या तुलनेत असणारी हॉस्पिटल्स व वैद्यकीय सेवांची कमतरता पाहता या ठिकाणी या क्षेत्रामध्ये काम करणाऱ्या लोकांना स्वतःचे करिअर घडवण्याची संधी मिळणार आहे. बीएससी नर्सिंग बरोबरच ए.एन.एम नर्सिंग कोर्स सुरू करण्यात आलेले आहे. याचा विद्यार्थ्यांनी फायदा करून घ्यावा असे आवाहन देशमुख यांनी केले.

यावेळी प्राचार्य भालचंद्र कुलकर्णी, प्राचार्य महावीर पाटील, डॉक्टर मनोज महिंद, डॉक्टर कैलास पाटील, प्राध्यापक प्रकाश कुमार हे उपस्थित होते.

---------------------------------