शिराळा (प्रतिनिधी) : लोकहिताच्या कामास प्रथम प्राधान्य देऊन शिराळा विधानसभा मतदारसंघाची जडणघडण सुरू आहे, असे प्रतिपादन युवा नेते विराज नाईक यांनी केले.

पाचुंब्री (ता. शिराळा) येथे पन्नास टक्के अनुदानावर घरगुती आट्टाचक्कीच्या वितरण प्रसंगी बोलत होते. सरपंच अरुण सव्वाखंडे प्रमुख उपस्थितीत होते.

युवा नेते नाईक म्हणाले, आमदार मानसिंगराव नाईक यांच्या विशेष तालुक्याच्या उत्तर विभागाला सातत्याने विकासात झुकते माप दिले गेले आहे. या विभागासाठी वरदाई असलेली वाकुर्डे बुद्रुक योजना मार्गी लावत आणली आहे. गेल्यावर्षी व चालू आर्थिक वर्षात मिळून २०० कोटी रुपये आणले आहेत. त्यातून शिराळा तालुक्यातील योजनेची बहुतेक कामे मार्गी लागतील. येथील गिरजवडे प्रकल्पास मंजुरी, निधी आणून प्रकल्प पूर्ण केला आहे. त्यामुळे पाणी साठवून परिसरातील अनेक गावांचा पिण्याच्या व शेतीच्या पाण्याचा प्रश्न मिटला आहे. महिलांना प्रगतीच्या प्रवाहात आणण्यासाठी विशेष प्रयत्न केले जात आहेत. युवा उद्योजक सोमनाथ शेटे, शैलेश शेटे व मेघश्याम आवटे यांच्या सहकार्याने आट्टाचक्कीचा उपक्रम राबविण्यात येत आहे. मतदार संघातील प्रत्येक नागरिकांच्या प्रगतीसाठी आम्ही कटीबद्ध आहोत.

प्रारंभी युवक राष्ट्रवादीचे हर्षद माने यांनी स्वागत व प्रास्तविक केले. येथील राष्ट्रवादीच्या कार्यकर्त्यांनी प्रयत्न करून गावातील ५० कुटुंबाना आटाचक्की उपलब्द करून दिलेल्या आहेत. त्याचे वाटप युवा नेते नाईक यांचे शुभहस्ते याचे वाटप आज करणेत आले. यावेळी पोलीस पाटील सुषमा पाटील यांनी मनोगत व्यक्त केले. कैलास पाटील, शंकर पाटील, राजेंद्र माने, वसंत झेंडे, अभिजित सव्वाखंडे, सुरेखा सव्वाखंडे, संगीता पाटील, प्रणव पाटील तसेच युवा व ग्रामस्थ उपस्थित होते.