शिराळा, ता.२२: शिराळा येथील अॅड अक्षय कदम यांनी एक वर्षानंतर सुशांत पाटील या विध्यार्थ्यास विद्यापीठाकडून निशुल्क एक लाख फी परत मिळवून दिली.कदम यांच्या अशा या सामाजिक बांधिलकीची सर्वत्र चर्चा सुरू आहे.

पाडळी( ता.शिराळा)येथील सुशांत विलास पाटील या विद्यार्थ्याने गुजरात मधील एका खाजगी विद्यापीठामध्ये एक वर्षापूर्वी प्रवेश घेतला होता. प्रवेश निश्चित करण्यासाठी त्याने एक लाख रुपये फि ही जमा केली होती. मात्र दरम्यानच्या काळात लॉक डाऊनमुळे वडिलांची नोकरी गेल्याने व आधीच घराची परिस्थिती बेताची असल्याने पुढचे आर्थिक नियोजन कोलमडून पडले. त्यामुळे त्याने विद्यापीठाकडे भरलेली फी परत मागितली. मात्र विद्यापीठाने याकडे दुर्लक्ष केले.

यानंतर सुशांतने शिराळा येथील अॅड अक्षय महादेव कदम यांना या बाबत माहिती दिली. कदम यांच्या मदतीने सदर विद्यापीठाची रीतसर तक्रार युनिव्हर्सिटी ग्रँट कमिशन (युजिसी) कडे दाखल केली. त्यानंतर फी परत मिळाली.

कोरोना काळात सामान्य जनतेचे आधीच हाल होत आहेत. यामध्ये युजिसीचे स्पष्ट निर्देश असतानाही, काही मोठ्या युनिव्हर्सिटी विद्यार्थ्यांची आर्थिक फसवणूक करू पाहत आहेत. जे कायदेशीर दृष्ट्या अयोग्य आहे. यासाठी युजीसी ने ऑनलाईन सुनावणी सेवा निर्माण केली आहे." त्याचा लाभ लोकांनी घ्यावा.अशाच प्रकारे अडचणी मध्ये असणाऱ्या गरीब व गरजू विद्यार्थ्यांना इथून पुढेही निःशुल्क मदत करू
अॅड अक्षय कदम

-------------------------