शिराळा, ता.७: येथील भुईकोट किल्यावर उभारण्यात.. येणाऱ्या छत्रपती संभाजी महाराज यांच्या स्मारकाच्या जागेची पाहणी खासदार धैर्यशील माने व आमदार मानसिंगराव नाईक यांनी केली.

येथील भुईकोट किल्यावर छत्रपती संभाजी महाराज यांचे स्मारक उभारण्यासाठी आराखडा तयार करणे,या ठिकणी संभाजी महाराज यांचा जन्मापासून भुईकोट किल्ल्यावर कैद करून आणल्या पर्यंतचा जीवनपट कसा मांडता येईल,संभाजी महाराजांना वाचवणाऱ्या शिराळा तालुक्यातील शूर मावळ्यांची समाधी करणे, तुळजाभवानी मंदिराला ऐतिहासिक लूक देणे या पद्धतीचा आराखडा तयार करणाबाबत चर्चा झाली.

यावेळी नगराध्यक्षा सुनीता निकम, उपनगराध्यक्ष विजय दळवी, नगरसेवक विश्वप्रतापसिंह नाईक, गौतम पोटे, संजय हिरवडेकर, नगरसेविका अर्चना शेटे, सुनंदा सोनटक्के, आशाताई कांबळे, विजयराव नलवडे, विश्वास कदम, गजानन सोनटक्के, के.वाय. मुल्ला, महादेव कदम, राजू निकम,प्रमोद पवार, बाबा गायकवाड, सनी आवटे,निलेश आवटे, राजू खुर्द, स्वप्नील निकम, विजय महाडिक, सुनील कवठेकर उपस्थित होते.

भुईकोट किल्यावर संभाजी महाराज यांना वाचवण्यासाठी झालेल्या लढाईच्या स्मृतीना उजाळा देण्यासाठी महाघाडी सरकारच्यावतीने मी व आमदार मानसिंगराव नाईक यांनी मुख्यमंत्री, उपमख्यमंत्री, पर्यटन मंत्री यांच्याकडे संभाजी महाराजांच्या स्मारकाबाबत निवेदन दिले. स्मारकाबाबत सरकार सकारात्मक आहे. प्रारूप आराखडा तयार झाल्यानंतर निधी साठी प्रयत्नशील राहू.
खासदार धैर्यशील माने

भुईकोट किल्याला ऐतिहासिक किल्याचे स्वरुत देऊन संभाजी महाराज यांना वाचवण्यासाठी झालेल्या लढाईचे प्रसंग कशा प्रकारे दाखवत येथील असा प्रयत्न सुरू आहे. यासाठी खासदार अमोल कोल्हे यांना भेटून आणखी अधिक माहिती मिळवण्याचा प्रयत्न सुरू आहे. हा आराखडा लवकरच तयार होईल.
आमदार मानसिंगराव नाईक

------------------------------------------------------------------