शिराळा,ता.९:आत्मनिर्भर स्त्रीच देशाला बलशाली बनवते असे प्रतिपादन जिल्हापरिषद सदस्या आशाताई झिमुर यांनी केले.

पाडळी (ता शिराळा) येथे जिल्हापरिषद शाळेत माझी शाळा-आदर्श मोहिमे अंतर्गत सहविचार सभा व जागतिक महिलादिना निमित्त आयोजित कार्यक्रमात बोलत होत्या.

यावेळी त्या म्हणाल्या आता प्रत्येक स्त्रीने सबला ही भूमिका कणखरपने निभावली पाहिजे.शिकलेल्या स्त्रीने स्वावलंबी बनून कुटुंब,देश हितासाठी कार्यरत व्हावे.

सभापती वैशाली माने म्हणाल्या सावित्रीचा वारसा स्त्रियांना लाभला आहे.आता ती क्रांतीजोत प्रत्येक स्त्रियांनी स्वतःमध्ये तेवत ठेवावी.अन्यायाला बळी न पडता लढण्याचे बळ ठेवावे.

पंचायत समिती सदस्या सारिका पाटील, गटशिक्षणाधिकारी प्रदीपकुमार कुडाळकर यांनी आपले मनोगत व्यक्त केले.

नूतन उपसरपंच अंजली पाटील यांनी शाळेत सर्व वर्गात पंखे व खिडक्यांना पडदे स्वखर्चाने बसवून देण्याचे जाहीर केले.याबद्दल त्यांचा गौरव करण्यात आला.

यावेळी शिक्षण विस्तार अधिकारी विष्णू दळवी, केंद्रप्रमुख सुहास रोकडे, वरीष्ठमुख्याध्यापक विठ्ठल पाटील, मुख्याध्यापक शंकर भालेकर,सरपंच सत्यवान पाटील,नवीन उपसरपंच अंजली पाटील, माजी उपसरपंच महादेव पाटील, ग्रामसेवक आनंदा पवार,समाधान कांबळे,संदीप चव्हाण,आनंदा पाटील,संतोष पाटील,दादासो पाटील,मिथुन पाटील,शिवानी पाटील शिक्षक महादेव देसाई, बाळकृष्ण गवळी,आशाकिरण पाटील,तृप्ती मुळीक,मंगल पाटील, वैजयंता लोहार,संगीता कांबळे,वंदना कांबळे,संगीत लोहार,उपस्थित होते.

-------------------------------------------------------