शिराळा,ता.२६: येथील महावितरण कार्यालयसमोर भाजपाच्या वतीने वाढीव विज बिले व विद्युत कनेक्शन तोडु नये. यासह विविध मागण्यांसाठी सम्राट महाडिक यांच्या नेतृत्वाखाली रस्ता रोको करुन आंदोलन करण्यात आले .

यावेळी जयसिंगराव शिंदे, प्रतापराव पाटील, नगरसेवक केदार नलवडे , भाजपच्या जिल्हा उपाध्यक्ष विद्याताई पाटील , अनिल घोडे पाटील ,संभाजी पाटील ,रोहित देसाई ,सागर जंगम यांनी आपले मनोगत व्यक्त केले.

यावेळी कार्यकर्त्यांनी आक्रमक पवित्रा घेत महाविकास आघाडी सरकारच्या विरोधात घोषणाबाजी करत. ज्या ग्राहकांचा विद्युत पुरवठा खंडित केला त्यांचे विद्युत कनेक्शन कोणतेही शुल्क न घेता जोडावे . सध्या रब्बीचा हंगाम सुरू आहे. त्यामुळे शेतीला विज पुरवठा सुरळीतपणे करावा अशा मागण्या केल्या. रस्ता रोको करुन ठिय्या आंदोलन केले .

विज कनेक्शन तोडणार नाही. ग्राहकांना हप्ते पाडुन विज बिल भरण्यास सोय करु, विज बिलातील त्रुटी दुरुस्त करु असे आश्वासन उपअभियंता प्रल्हाद बुचडे यांनी दिले.

यावेळी भाजपा युवा मोर्चाचे उपाध्यक्ष रुपेश चव्हाण, अशोक पाटील, राम जाधव , सुमित पाटील , शरद पाटील, हारुण शेख, राहुल खबाले , मनोज पाटील, विठ्ठल पाटील, सुरज पाटील, रोहन नाकील, विशाल सातपुते, सचिन दिवटे, अभिषेक हसबनीस ,सौरभ नलवडे ,वैभव इंगवले ,अभिनव नलवडे, सागर दशवंत ,अजित कुंभार, सार्थक माने ,अमित नलवडे ,तुषार देसाई ,बाजीराव नलवडे ,अजिंक्य पाटील ,रविंद्र कोतवाल उपस्थित होते .

----------------