चरण (ता. शिराळा ) येथील अरुण रमेश रेळेकर यांना पद्मभूषण डॉ. वसंतराव दादा पाटील क्रीडा मार्गदर्शक पुरस्काराने गौरविण्यात आले.

परिषदेच्या वतीने देण्यात येणारा सन २०२०-२१ या वर्षाचा पद्मभूषण डॉ.वसंतराव दादा पाटील क्रीडा मार्गदर्शक पुरस्कार प्रदान सोहळा जिल्हा परिषदेच्या अध्यक्षा प्राजक्ता कोरे व मुख्य कार्यकारी अधिकारी जितेंद्र डुड्डी यांचे प्रमुख उपस्थितीत संपन्न झाला. या पुरस्काराचे स्वरूप सन्मान चिन्ह, प्रमाणपत्र व रोख रक्कम, असे आहे. क्रीडा क्षेत्रात केलेल्या अतुलनीय कामगिरी बद्दल हा पुरस्कार दिला जातो.

यावेळी शिक्षण समिती सभापती आशा पाटील, बांधकाम व अर्थ समिती सभापती जगन्नाथ माळी, काँग्रेस गटनेते जितेंद्र पाटील, जिल्हा परिषद सदस्य सुरेंद्र वाळवेकर, नितीन नवले जिल्हा क्रीडा अधिकारी माणिक वाघमारे शिक्षण अधिकारी विष्णू कांबळे उपस्थित होते.

शिराळा तालुक्यासारख्या डोंगरी दुर्गम भागात गेल्या २७ वर्षापासून तायक्वानडो चे आंतरराष्ट्रीय पंच सुरेश चौधरी यांचे मार्गदर्शनाखाली कराटे-तायक्वानडो या स्वसंरक्षणचे धडे देणाऱ्या खेळासाठी कसलेही पोषक वातावरण नसताना देखील प्रसार केला. या कालावधी मध्ये अनेक खेळाडूंनी राज्यस्तरीय, राष्ट्रीय स्तरावरच्या स्पर्धेत विविध पदके पटकावत चमकदार कामगिरी केली आहे. तसेच काही जण खेळाडूंसाठी असणाऱ्या ५% आरक्षणातुन शासकीय निमशासकीय सेवेत रुजू आहेत. हा पुरस्कार म्हणजे गेली २७ वर्षे खेळाडूंच्या जडणघडणीसाठी केलेल्या कामाची पोहोच आहे.
अरुण रेळेकर (पुरस्कार प्राप्त)

---------------